Infraqurylymǵa salynǵan ınvestısııa kólemi álem boıynsha rekordqa jetti

2016 jyly álem boıynsha jeke sektordyń ınfraqurylymdyq jobalardy qarjylandyrýy 14% ósip, rekordtyq 413 mlrd dollarǵa jetti, dep jazady Preqin. Al osy salada jasalǵan kelisimsharttar sany aldyńǵy jylǵy kólemde saqtalyp otyr, ıaǵnı 1772 joba boıynsha kelisimshart jasalǵan. Bul óz kezeginde joba sany óspegenimen, ondaǵy qarjy kóleminiń ulǵaıǵanynan habar beredi. Jalpy, 2013 jyldan beri osy salada jasalǵan kelisimsharttar 1700-1800 aralyǵynda. «Sońǵy onjyldyqta ınfraqurylymǵa degen suranys artty. Sol úshin salada básekelestik paıda boldy», — deıdi Preqin qyzmetkeri Tom Karr. Atap aıtar bolsaq, damýshy elderdegi ınfraqurylymdyq jobalar ınvestorlardyń qyzyǵýshylyǵyn týdyryp otyr. Qazir ınfraurylymǵa ınvestor tabý ońaılaǵan. О́ıtkeni iri qorlar mıllıardtaǵan dollarlyq ınfraqurylymdyq qorlar uıymdastyrýda. Tom Karrdyń aıtýynsha, 2017 jyly da ınfraqurylym salasyndaǵy ósim qarqyny saqtalmaq. Infraqurylymdyq jobalarǵa degen qyzyǵýshylyq joǵary bolǵanymen, ınvestorlar birinshi kezekte qaıtarymy tez áýejaı, aqyly jol sekildi jobalarǵa basymdylyq beredi. Zeınetaqy qory men iri kompanııalardyń aktıvin basqarýshy kompanııalar sekildi iri ınvestorlar Eýropada ınfraqurylymdyq saıasattyń ózgergenin kútip otyr. 2016 jyly Eýropada quny 97 mlrd teńge bolatyn 555 joba qolǵa alynǵan. Ad Azııada byltyr kelisimshart sany rekordtyq deńgeıge jetip, 131 mlrd dollardyń 552 jobasy bastaldy.