Qazaqstanda halyqqa arnaıy qyzmet kórsetetin ÚEU sany artty

Qazaqstanda sońǵy jyldary halyqqa arnaıy qyzmet kórsetý úshin memleketpen tartylǵan úkimettik emes uıymdardyń sany artty. Bul týraly ÚEU-men ózara is-qımyl máseleleri jónindegi QR Úkimeti otyrysy barysynda QR densaýlyq saqtaý jáne áleýmettik damý mınıstri Tamara Dúısenova málimdedi. Sonymen qatar mınıstr óz vedomstvosynyń birqatar baǵyttar boıynsha úkimettik emes sektormen ózara is-qımyl júrgizetinin aıtyp ótti. Onyń aıtýynsha, ÚEU-lar kúrdeli ómir jaǵdaıyna tap bolǵan adamdarǵa arnaıy kómek kórsetý úshin, AITV/JITS-tiń aldyn alý, týberkýlezben kúres jáne t.b. jaǵdaılarda kómek kórsetý maqsatynda jumysqa tartylady. Qazaqstanda arnaıy áleýmettik qyzmetter 2009 jyldan bastap kórsetiledi. Osy sektordaǵy ÚEU men memleket yntymaqtastyǵyna 7 jyldam astam ýaqyt boldy jáne ol ómirinde qıyn jaǵdaıǵa tap bolǵan azamattarǵa teń jaǵdaı jasaýǵa baǵyttalǵan. Osy aralyqta ÚEU-dyń arnaıy áleýmettik qyzmet kórsetý naryǵyna qatysýy 2009 jylmen salystyrǵanda aıtarlyqtaı ósti, bıýdjettik qarajat kólemi men arnaıy qyzmet kórsetiletin adamdardyń sany da artty. Mysalǵa, ınvataksı qyzmeti 2014 jyly birinshi jáne ekinshi toptaǵy múgedekterge qozǵalý quraldary arqyly qoldaý kórsetýdiń qosymsha tásili retinde engizilgen bolatyn. Bul bastamany múgedekterdiń qoǵamdyq birlestikteri usynǵan edi. Olar elimizdiń 13 óńirine atalǵan qyzmetti usynatyn negizgi jetkizýshiler. Búginde 180 mashınasymen avtoparki bar 13 ınvataksı qyzmeti jumys isteıdi.