The Guardian: Kabananga «Astanadan» ketýi múmkin

The Guardian basylymynyń habarlaýynsha «Astana» fýtbol klýbynyń shabýylshysy Jýnıor Kabananga Afrıka ulttar kýbogynan keıin eýropalyq klýbtardyń birine aýysýy múmkin. Bul týraly vesti.kz habarlady. Týrnırdiń toptyq kezeńinde Kabananga úsh gol soǵyp, ázirshe jeke-dara týrnırdiń surmergender tiziminde kósh bastap tur. «Afrıka ulttar kýbogynda jaqsy oınaǵan fýtbolshylardy satyp alý únemi sátti bola bermeıdi. Biraq Kongonyń bul týrnır barysyndaǵy oıynynan keıin fýtbolshylaryna skaýttar tarapynan qyzyǵýshylyqtyń bolary anyq. Bul týrnırde «Fýlhem» oıynshysy Nesskens Kebanodan bólek, Jýnıor Kabananga da keremet ónerimen kózge túsip jatyr. Eger jaqsy usynys túsip jatsa, «Astana» ony satýy ábden múmkin. Sebebi, onyń kelisimsharty jazǵa deıin ǵana. Bul merzim aıaqtalǵannan keıin basqa komandaǵa tegin aýysyp ketedi», – dep jazady The Guardian. Aıta keteıik, Kabanaga týrnırdiń toptyq kezeńdegi tańdaýly quramasyna engen edi. Al onyń quramasy 29 qańtarda shırek fınalda Gana qurasymen kezdesedi. 27 jastaǵy Jýnıor Kabananga «Astana» sapynda 2015 jyldan beri oınap keledi. Osy ýaqytta deıin ol el birinshiliginde 26 kezdesýge qatysyp, 13 goldyń jáne 10 nátıjeli pastyń avtory atanǵan.