Erbol Hamıtov – Qazaqstannyń para sportyndaǵy álemdik deńgeıdegi jetekshi sportshylarynyń biri. Onyń basty ereksheligi – ámbebaptyǵy. Ol para shańǵy jarysy men para bıatlonda birdeı joǵary nátıjeler kórsetip, tózimdilik, dáldik jáne taktıkalyq sheberlikti sheber úılestiredi. Sonymen qatar ol para bıatlonnan Álem kýboginiń jalpy esebinde jeńiske jetip, Hrýstal globýsty ıelengen Qazaqstan tarıhyndaǵy alǵashqy sportshy atandy.
Jýyrda Italııanyń Mılan-Kortına qalalarynda ótken XIV qysqy Paralımpıadada Erbol Hamıtov para bıatlonnan altyn, al para shańǵy jarysynan qola medal jeńip, el qorjynyna zor úles qosty.
Sonymen qatar mınıstr Erbol Hamıtovtyń jattyqtyrýshylary – Aslan Toqbaev, Vasılıı Kolomıes jáne Anton Jdanovıchti Qurmet gramotasymen marapattady.
Esterińizge salsaq, buǵan deıin Memleket basshysy Erbol Hamıtovqa III dárejeli «Barys» ordenin tabystaǵan bolatyn. Al Vasılıı Kolomıes pen Anton Jdanovıch «Parasat» ordenimen, Aslan Toqbaev «Qurmet» ordenimen marapattalǵan.
Kezdesý barysynda Erbol Myrzabosynov myqty sportshylar men kásibı sport menedjerlerin qoldaýdyń mańyzyn erekshe atap ótti. О́ıtkeni olardyń jetistikteri Qazaqstannyń halyqaralyq deńgeıdegi bedelin arttyrýǵa zor úles qosady.
Jankúıerler Erbol Hamıtovty áýejaıda saltanatty túrde qarsy aldy
Aıta keteıik, elimizde para sporttyń 19 túri qarqyndy damyp keledi. 2025 jyldyń qorytyndysy boıynsha 66 159 múmkindigi shekteýli azamat júıeli túrde dene shynyqtyrý jáne sportpen aınalysady. Qazirgi tańda respýblıkada múmkindigi shekteýli jandarǵa arnalǵan Respýblıkalyq sporttyq daıarlaý ortalyǵy, 16 sport klýby, Almaty oblysynda sportty damytý dıreksııasy jáne 2 arnaıy sport mektebi jumys isteıdi.
