Byltyr Qazaqstanda jańa kólikter jappaı qymbattasa, eski kólikter baǵasy markasyna qaraı ár qıly ózgerdi.
Byltyr jyl basy men jyl sońyndaǵy baǵany salystyratyn bolsaq, jyl basynan beri ustalǵan kólikter aıtarlyqtaı arzandaǵan. Eń tómengi baǵa jaz kezinde bolsa, jeltoqsanda saýda qaıta qyzyp, baǵa azdap kóterilgen. Tómende halyq ishinde eń tanymal markalardyń baǵalary usynylady.
- Mercedes-Benz E230 (1992) kóligi jyl basynda 940 myń aınalasynda bolsa, sáýirde eń tómengi kórsetkishke túsip, 800 myńǵa baǵalandy. Al jeltoqsanda 1992 jylǵy E Mersedesteriniń quny ortasha eseppen 815 000 teńge aınalasynda bolǵan.
- Toyota Camry (2007) kóligi 2016 jyldyń qańtarynda ortasha eseppen 3 900 000 myńnyń ústinde bolsa, mamyr-shilde aılarynda 3 350 000-ǵa deıin arzandap, jeltoqsanda 3 500 000 -ǵa deıin qaıta qymbattady.
- Toyota Land Cruiser Prado (2007) kóligi byltyr qańtarda 8 000 000 teńge boldy. Kóliktiń eń arzan kezi qazan aıynda 6 650 000-ǵa teń bolsa, jeltoqsanda baǵasy 6 850 000-ǵa deıin kóterildi.
- Hyundai Accent (2007) jyl basynda 3 250 000 teńgege saýdalandy. Mamyr aıynda 2 850 000-ǵa deıin arzandap ketken aksent 3 100 000 teńgege qymbattady.
