Jıynǵa aýdan ákimi Rıshat Turdybekov, Astana qalasy Qoǵamdyq keńesiniń tóraǵasy, Konstıtýsııalyq komıssııa múshesi Zulfýhar Ǵaıypov jáne aýdandyq basqarmalar men bólim basshylary, partııa hatshylary men qoǵam belsendileri sondaı-aq bilim berý mekemeleriniń dırektorlary qatysty.
«Bizdiń maqsat – azamattardyń, saıası partııalardyń, qoǵamdyq uıymdar men sarapshylardyń usynystaryn jan-jaqty taldaý. Prezıdent byltyrǵy Joldaýynda bir palataly Parlamentke kóshý kózdelgen konstıtýsııalyq reformany ótkizýdi usyndy. Bul bastama saıası júıeni keshendi túrde qaıta jańǵyrtýǵa jáne jasandy ıntellekt dáýirinde elimizdiń turaqty áleýmettik-ekonomıkalyq damýyna jaǵdaı jasaýǵa baǵyttalǵan», dedi Rıshat Turdybekov.
Ata Zańnyń jańa jobasy preambýla, 11 bólim, 95 baptan turady.
«Keı bólimder birinshi ret qosylyp otyr. Ekinshiden, bul nusqanyń preambýlasy kirispesi jańadan jazylyp shyqty. Kirispe «Biz, birtutas Qazaqstan halqy baıyrǵy qazaq jerinde memleketti nyǵaıta otyryp, Uly dalanyń myńjyldyq tarıhyn sabaqtastyǵyn saqtap…» dep bastalady. Jańa Konstıtýsııada arnaıy 30-bap engizildi. Munda «Neke er men áıeldiń memlekettik zańǵa sáıkestirkelgen erikti odaǵy» dep jazylǵan. Parlament birpalataly bolady. Onyń ataýy – Quryltaı. Sondaı-aq jańa saıası ınstıtýt –Qazaqstan Halyq keńesiqurylady», dedi Zulfýhar Ǵaıypov.
