Qazaqstanda jańa ulttyq kompanııa qurylady

Qazaqstanda Prezıdent tapsyrmasymen qurylatyn jańa ulttyq kompanııa nemen aınalysatynyn QR Ulttyq ekonomıka mınıstri Tımýr Súleımenov aıtyp berdi, dep habarlaıdy QazAqparat. «Bizdiń elde ınvestısııa tartýmen birneshe uıym aınalysady. Soǵan baılanysty, Prezıdent naqty tapsyrmalar júktedi - ınvestorlarǵa memlekettik qyzmettiń tolyq spektrin usynatyn, bir tereze qaǵıdatymen jumys isteıtin arnaıy ulttyq kompanııa qurý. Bul kompanııa qurylady. Búgin Úkimet otyrysynda QR Premer-Mınıstri osy baǵytta qashan jáne qandaı sharalar atqarý kerektigin aıtty. Sondyqtan osy turǵyda bizde tolyq túsinik bar», - dep atap ótti Tımýr Súleımenov Úkimet otyrysynan keıin ótkizilgen baspasóz máslıhatynda. Aıta keteıik, Prezıdent Nursultan Nazarbaev óziniń el halqyna arnaǵan «Qazaqstannyń úshinshi jańǵyrýy: jahandyq básekege qabilettilik» taqyrybyndaǵy joldaýynda Qazaqstan shetel ınvestısııalaryn tartý isindegi kóshbasshylyǵyn saqtap qalýy qajettigin atap ótken bolatyn. «Astana» halyqaralyq qarjy ortalyǵy el ekonomıkasyna qarjy resýrstaryn tartýda mańyzdy ról atqarýǵa tıis. Biz taýar óndirý men ótkizý, qyzmet kórsetý isin jahandyq jelige beıimdeýimiz kerek. Muny, eń aldymen, transulttyq kompanııalardy tartý arqyly jasaǵan jón. Qazaqstanda óndirister ashý jónindegi Qytaımen birlesken ınvestısııalyq baǵdarlamany tıimdi júzege asyrý kerek. Qytaı tarapymen ýaǵdalastyqqa qol jetkizildi. Nysandar belgilendi. Naqty jumys isteý qajet», - delingen Joldaýda.