Tumaý tunshyqtyryp tur

Qyzyljar óńirinde ótkir tumaý kúsh alyp keledi. Onyń birden-bir sebebi aýa raıynyń qubylmalyǵy men durys kútinbeýdiń saldary, deıdi medısına mamandary. Búginde respıratorlyq vırýs­tyq ınfeksııaǵa shaldyq­qandardyń sany 17 myńǵa jede­ǵabyl. Bul kórsetkish byltyrǵyǵa qaraǵanda 7 myńǵa kóp. Tek sońǵy aptada ǵana osyndaı 2209 oqıǵa tirkelgen. Olardyń basym kópshiligin 14 jasqa deıingi turǵyndar quraıdy. Arasynda aıaǵy aýyr áıelder de bar. Al eki júzdeı adam tumaý juqtyrǵan. Densaýlyqqa qaýiptisi – osy kesel. Qazaq «tuman aıaǵy – jut, tumaý aıaǵy – qurt» dep tekke aıtpasa kerek. Onyń ústine 12 jastaǵy qyz balanyń ótkir res­pıratorlyq ınfeksııa dıagnozy boıynsha ókpesi qabynyp, qaıtys bolýy jan-jaqty saqtandyrý qajettigin kórsetip berdi. Sondyqtan, medısına qyz­met­kerleri, ásirese, bilim oshaq­­­taryn jiti baqylaýǵa alǵan. Soǵan qaramastan, ótkir respı­ratorlyq ınfeksııa men tumaý­dyń asqynyp ketýi saldarynan 5 mektep pen 1 balabaqsha karan­tınge jabyldy. О́ıtkeni, ondaǵy syrqattanýshylardyń sa­ny normadaǵydan asyp, ba­r­­lyq oqýshylar men tár­bıelený­shilerdiń úshten birin qura­dy. Bul bilim oshaq­tarynda oqý úr­disi túgeldeı doǵaryldy. Sondaı-aq, taǵy birneshe mekemelerde jartylaı karantın jarııalandy. О́mir ESQALI, «Egemen Qazaqstan» Soltústik Qazaqstan oblysy