Memleket bedelin kóteretin sheshim
Prezıdent Nursultan Nazarbaevtyń bılik tarmaqtary arasynda ókilettikterdi qaıta bólý jónindegi sheshimi Qazaqstandy aldyńǵy qatarly elge aınaldyrady. Eldiń táýelsizdik jyldarynda qol jetkizgen tabystary, damý deńgeıi eskerile otyryp jasalǵan bul qadam Qazaqstannyń evolıýsııalyq jolmen órkendeýin qamtamasyz etedi.
Atqarýshy organdardyń quqyǵy men múmkindikteriniń arttyrylýy eldiń ornyqty damýyn nyǵaıtady. Prezıdent N.Nazarbaevtyń bılik ókilettikterin qaıta bólý baǵytyndaǵy bastamasy negizinde bolatyn ózgerister Qazaqstannyń Batys Eýropa jáne Soltústik Amerıka elderimen ekijaqty qarym-qatynastaryn jandandyra túsedi. Bul óz kezeginde Qazaqstanǵa qarjylyq qatynastar men eldiń ulttyq qaýipsizdik salasy boıynsha kóp paıda ákeledi.
Qoryta aıtqanda, atalǵan máselege oraı kútilip otyrǵan ózgerister Qazaqstannyń álemdik arenadaǵy bedelin ósirip, Ortalyq Azııa aımaǵyndaǵy ózindik mańyzdy ornyn odan ári nyǵaıtady.
Glenn SELIG,
Selig Multimedia, Inc. kompanııasynyń prezıdenti (AQSh)
Damýdyń evolıýsııalyq qadamy
Meniń oıymsha, Prezıdent Nursultan Nazarbaev usynǵan konstıtýsııalyq reformalar Prezıdent, Parlament jáne Úkimet arasyndaǵy ókilettikterdi ońtaıly sheshýge múmkindik beredi. Sondaı-aq, Parlamenttiń atqarýshy bıliktiń qyzmetin baqylaýy kúsheıedi.
Osy reformalar Qazaqstandaǵy saıası júıeniń turaqtylyǵy men ornyqtylyǵyn arttyra túsýge jaǵdaı jasaıdy, munyń ózi memlekettik ekonomıkanyń damýy men jalpy qoǵamnyń jaǵdaıyn jaqsartýǵa oń yqpal etetin bolady.
Qazaqstan – ózine tán damý jolymen kele jatqan memleket, al myna konstıtýsııalyq reforma – eldiń saıası júıesiniń damýyndaǵy evolıýsııalyq jańa qadamdar.
Konstantın (Ioel) RAZVOZOV,
Izraıl Knessetiniń (Parlament) depýtaty
