Problemalyq nesıeler qory Ulttyq Bankten Úkimetke ótedi

Qazaqstanda sot múlikti bólý múmkin bolmaǵan jaǵdaıda, ony jarııa saýdaǵa shyǵaratyn bolady. Bul týraly QR Parlamenti Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine azamattyq, bank zańnamasyn jetildirý jáne kásipkerlikti júrgizýdi jaqsartý máseleleri boıynsha ózgerister men tolyqtarýlar engizý týraly» Zań jobasyn tanystyrý barysynda QR Ádilet mınıstri Marat Beketaev málim etti, dep habarlaıdy QazAqparat. «2017 jylǵy 31 qańtardaǵy Memleket basshysynyń halyqqa Joldaýynda aıqyndalǵan tapsyrmasyn júzege asyrý maqsatynda zań jobasy bank sektoryn saýyqtyrý jónindegi sharalardy kózdeıdi. Atap aıtqanda, «Problemalyq kredıtter qory» Aksıonerlik Qoǵamynyń Ulttyq Bankten Úkimetke ótýi kózdelgen»,-dedi mınıstr. Aıta keteıik, «Problemalyq kredıtter qory» AQ-nyń jalǵyz aksıoneri Qazaqstan Respýblıkasynyń Ulttyq Banki bolyp tabylady. «PKQ» AQ qyzmetiniń negizgi maqsaty ýákiletti organnyń normatıvtik quqyqtyq aktileriniń talaptaryna sáıkes, ekinshi deńgeıdegi bankterdiń kredıttik portfelderiniń sapasyn jaqsartýǵa baǵyttalǵan sharalardy iske asyrýǵa negizdelgen.