Qazaqstanda tis dárigerleriniń qyzmeti arzandaıdy

QR Densaýlyq saqtaý mınıstrligi 2017 jyly kepildendirilgen tegin medısınalyq kómekke engizilmeı qalǵan keı qyzmet túrleriniń baǵasyn retteýge baǵyttalǵan zań jobasyn daıyndaıdy, dep jazady Tengrinews.kz. Densaýlyq saqtaý mınıstri Eljan Birtanovtyń pikirinshe, atalǵan qyzmetterdiń ishine tis dárigeriniń qyzmeti de engizilmek. Mınıstr bundaı qadamnyń medısınalyq qyzmetterdi arzandatý maqsatynda qolǵa alynyp otyrǵanyn aıtty. «Memleket basshysy bizge kepildendirilgen tegin medısınalyq kómekke kirmeıtin qyzmetterdiń baǵasyn retteý týraly normatıvti baza daıyndaýdy tapsyrdy. Ondaǵy maqsat medısınalyq buıymdar men qyzmetterdiń qoljetimdiligin arttyrý. Biz endi osy máseleni bıznes ókilderimen talqylaýymyz kerek", - dedi mınıstr. Onyń aıtýynsha, dárigerlerdiń jeke kásipkerlikpen aınalysýyna da ruqsat berilmek. «О́tken jyly biz mundaı tájirıbeni bastap qoıdyq. Bastamanyń aıasynda dárigerler zańdy tulǵa retinde tirkelip, emhana qyzmetin atqara beredi. Múmkin, ýaqyt óte kele olardy jeke kásipker retinde tirkeıtin bolamyz. Olarǵa shamamen 2000 adamnan bekitilip beriledi. Kisi basyna 1024 teńgeden tólenedi. Bul óz kezeginde emhanalardaǵy kezektiń sanyn azaıtýǵa da túrtki bolar edi", - dedi mınıstr.