Basty maqsat – qaýipsiz álem qurý

Soltústik Koreıanyń ballıstıkalyq zymyran ushyrýyna baılanysty Nıý-Iorkte BUU Qaýipsizdik Keńesiniń otyrysy ótti. Bul mańyzdy basqosýǵa Qazaqstan delegasııasy da qatysty. Jıyn barysynda Qaýipsizdik Keńesiniń músheleri biraýyzdan Soltústik Koreıa (KHDR) bıliginiń ballıstıkalyq zymyrandy sy­naýǵa qatysty bul óreskel áre­ke­tin biraýyzdan aıyptady. Son­daı-aq, jedel ótkizilgen keńes­te KHDR tarapynyń BUU Qaýip­siz­dik Keńesi qararynyń talaptaryn taǵy da buzǵanyna alańdaýshylyq bil­dirildi. Aıta keteıik, KHDR buǵan de­ıin de birneshe ret BUU Qaýip­siz­dik Keńesi tarapynan qarar­dy kózge ilmegen bolatyn. Sondaı-aq, otyrysta Soltús­tik Koreıanyń gýmanıtarlyq sa­la­daǵy kúrdeli jaǵdaıyna, el­diń bıligi halqynyń nashar tur­­my­­syna qaramastan, ıadrolyq já­ne ás­kerı baǵdarlamalardy jú­ze­ge asy­rý maq­satynda qarjy bólý­di jal­ǵas­­ty­ryp otyrǵanyna nazar aýdaryldy. Qazaqstan tarapy Soltústik Koreıa­nyń bul jónsiz is-áre­ket­­teri jahan­dyq jáne óńirlik qaýip­­siz­dikke qater tóndiretinin, son­daı-aq, álem­dik ıadrolyq qarý­syz­daný úderi­sine keri áserin tıgi­zetinin qatań es­kertti. Osy­ǵan baılanysty eli­miz­diń BUU ja­nyn­daǵy turaqty óki­li Qaı­rat Omarov Qazaqstan Syrt­­qy ister mınıstrliginiń KHDR-dyń ballıstıkalyq zy­my­­ran ushy­rýyn aıyptap ar­na­ıy má­lim­deme jasaǵanyna Qaýipsizdik Ke­ńe­si músheleriniń nazaryn aýdardy. Sondaı-aq, dıplomat halyq­ara­lyq qoǵamdastyqtyń atal­ǵan máselede syndarly sheshim shyǵaryp, tıisti sharalar qa­byl­daýy tıis ekenin, Soltústik Koreıa­nyń ıadrolyq baǵdarla­ma­sy boıynsha altyjaqty kelis­sóz­derdi qaıta bastaý qajettigin jetkizdi. Sonymen qatar, Q.Omarov álem­niń shynaıy qaýipsizdiginiń ke­pi­li qarýsyz álem qurý eke­nin atap kórsetti. Osy oraı­da, ol Elbasy Nursultan Nazarbaevtyń BUU-nyń 100 jyl­­­dyq mereıtoıyna deıin (2045 j.) ıadrolyq qarýsyz álem qurýǵa BUU-ǵa múshe bar­lyq memleketterdi, ásirese, Qaýip­sizdik Keńesine qatysýshy elderdi shaqyrǵanyna ekpin berdi. Budan bólek, turaqty ókil Qazaq­­stannyń bastamasymen birin­shi praktıkalyq qadam retinde 2015 jyldyń jeltoqsanynda BUU Bas Assambleıasynyń Iаdro­lyq qarýdan azat álemge qol jet­kizý jónindegi jalpyǵa birdeı dek­larasııasy qabyldanǵanyn eske saldy. Jıyn­da Qazaqstan bastama­lary men usynystary Qaýipsizdik Keńesi músheleri tarapynan qoldaý tapty. Otyrys qorytyndysynda, Sol­tústik Koreıadaǵy jaǵdaıdy baqy­laýda ustaý, ondaǵy ıadrolyq baǵ­dar­lamanyń damytylýyna qarsy sharalar qabyldaý, ásirese, alty­jaqty kelissózderdi qaıta bastaý jáne BUU Qaýipsizdik Keńesi qarary­nyń qatań oryn­dalýyn qamtamasyz etý syndy máseleler atap kórsetildi. Daıyndaǵan Joldybaı BAZAR, «Egemen Qazaqstan»