Fırýza Sháripovanyń jekpe-jegi ótetin kún belgili boldy

Qazaqstandyq kásipqoı boksshy qyz Fırýza Sháripova tıtýldy kezdesýiniń aldynda reıtıngti jekpe-jegin ótkizetin boldy. Bul týraly allfight.ru portalyna bergen suhbatynda menedjeri Sergeı Zavıleıskıı málimdedi. «Biz tıtýldy aıqas aldynda taǵy bir reıtıngti kezdesý ótkizýdi jón kórdik. Fırýza qazir fızıkalyq turǵydan joǵary deńgeıde. Daıyndyǵy tolyǵymen júrip jatyr. Keshe alǵashqy sparrıngin ótkizdi. Jattyqtyrýshysynyń kóńilinen tolyqtaı shyqty. Endi sharshy alańdaǵy naǵyz aıqas qajet. Sol úshin ýaqyt joǵaltpaı, eki aptadan keıin, ıaǵnı 4 naýryz kúni Máskeýde kezekti jekpe-jegin ótkizedi», – dedi Zavıleıskıı. Fırýza Sháripova qazirgi ýaqytta Máskeýdegi «Boks akademııasynda» tıtýldy urysyna daıyndalyp júr. Málimetter boıynsha bapkeri Sergeı Kýbyshev oǵan tehnıkalyq turǵydan jańa baǵyttardy úıretip jatyr. Al erteń ózi jattyǵyp júrgen akademııada sheberlik sabaǵyn ótkizedi. Aıta keteıik, kásipqoı boksshy qyzdyń tıtýldy jekpe-jegi EXPO-2017 kezinde uıymdastyrylatyn boks keshinde ótýi múmkin.