Elbasy keler urpaqtyń qandaı bolýy kerektigin aıtty

Qazaqstan Prezıdenti Nursultan Nazarbaev bolashaqta qazaqstandyqtardyń álemdik deńgeıdegi joǵary bilikti maman bolýy kerektigin aıtty. Elbasynyń aıtýynsha, keler urpaq aldyńǵy qatarly ǵylym men tehnologııany ıgerýi tıis. Bul týraly ol QR Ulttyq ǵylym akademııasynyń plenarly otyrysynyń saltanatty sessııasynda málimdedi. «Tomırıs pen Shyńǵys handy qazaqqa telı beretindeı bizde basqa eshteńe joq pa? Alǵa qadam basýdyń ornyna artqa buryla beremiz be? Alǵa qaraıtyn ýaqyt jetti. Birde Tonı Bler ózderiniń parlamentinde bylaı degen: "Ulybrıtanııanyń tarıhı baı. Biraq biz mýzeıde ómir súrmeımiz. Adamdardy kompıýterdiń aldyna otyrǵyzý kerek". Biz de oılanýymyz kerek. Sizderdiń sózderińizdiń salmaǵy bolýy kerek. Aldaǵy ýaqytta qazaqtar qandaı bolýy kerek. Biz aǵa býyn ókilderimiz. Biz táýelsizdikke qol jetkizdik. Uly dalada qýatty memleket qurdyq", - dedi Elbasy. Prezıdent ıntellektýaldy urpaq tárbıeleý kerektigin aıtty. Olar ótkenniń qundylyǵyn baǵalap, bolashaqqa qadam jasaýy kerek. «Qazirden bastap osyndaı tolqyn tárbıeleý kerek. Olar jahandyq deńgeıde aldyńǵy qatarly maman bolýy kerek. Ol úshin ana tilmen qosa aǵylshynshany da meńgerý kerek. Sol kezde ǵana qazaqtar álemde básekege túse alady", - dedi Elbasy.