Maksım Volkov: Ońtústik Koreıany áreń jeńdik

Hokkeıden Qazaqstan quramasynyń shabýylshysy Maksım Volkov Ońtústik Koreıaǵmen ótken match jaıly oı bólisti. Bul týraly vesti.kz habarlady. «Túrli sport saraılarynda daıyndaldyq. Alǵashynda muz aıdynyna jatyrqap júrdik. Kezdesý biz úshin ońaı bolǵan joq. Qobaljyǵanymyz da bolýy kerek, basynda óz oıynymyzdy kórsete almaı júrdik. Biraq bapkerimiz boıymyzǵa rýh berip, matchty óz qolymyzǵa aldyq. Nátıjesinde birneshe gol soǵyp, jeńiske jettik», – dedi ol. Maksım bul kezdesýdegi alǵashqy shaıbanyń avtory atanǵan: «Bul kezde men úshin bárin bireý daıyndap bergendeı boldy. Meni torýyldap júrgen qorǵaýshy kóz jazyp qaldy ári qarsylastarymyzdyń biri jazalanyp, birneshe mınýtqa alańnan qýylǵan. Osy sátti tıimdi paıdalanyp, dál soqqy baǵyttadym.», – dedi. «Biz túrli arenalarda daıyndalǵandyqtan muz aıdynnyń sapasy joǵary boldy dep aıta alamyn. Al ózge jerlerde dalada shaıba qýyp júrgen sııaqty kúıde qalasyń», – dedi Maksım Volkov. Aıta keteıik, Japonııanyń Sapporo qalasynda ótip jatqan VIII qysqy Azııa oıyndarynda Qazaqstan quramasy Ońtústik Koreıamen kezdesip, 4:0 esebimen jeńdi.