Basty baǵdar – ozyq standartqa saı bolý

Astanadaǵy Nazarbaev Ýnıversıtette Ekonomıkalyq yntymaqtastyq jáne damý uıymy júrgizgen taldaý-saraptaý esepterine arnalǵan semınar ótti. Bul esepter atalǵan uıymnyń Qazaqstandaǵy memlekettik basqarý júıesine qatysty baǵdarlamasy sheńberinde daıyndalǵan. EYDU elimizdegi memlekettik bas­qarý júıesine «Genderlik saıasatqa sho­lý», «Ashyq Úkimet», «Qazaqstan Res­pýb­lı­ka­syndaǵy memlekettik basqarý reforma­sy: anaǵurlym tıimdi, strategııalyq já­ne jaýapkershiligi mol memleket qu­rý jo­lynda» jáne «Mindetter men re­sýrs­tardy jaýapkershilikpen bólý: orta­lyq­syzdandyrý jáne Qazaqstan Re­s­pýb­lıkasyndaǵy kóp deńgeıli memlekettik bas­qarý» syndy 4 negizgi baǵyt boıynsha baǵa bergen. Jıynǵa qatysqan sala maman­dary Ekonomıkalyq yntymaqtastyq já­ne damý uıymynyń esepteriniń aıasynda mem­lekettik basqarýdyń sapasyn kóterý, orta­lyq jáne jergilikti organdardyń tıim­diligin arttyrý, el damýyna qa­jetti stra­tegııalyq mindetterge qol jet­kizý tó­ńireginde aýqymdy jumystar at­qa­rylǵ­a­nyn jetkizdi. Máselen, jıynda sóz alǵan Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymynyń orynbasary Elena Tarasenko Eýropa el­deri qoǵamdy demokratııalandyrý jolyn­da birneshe kezeńdi bastan ótkergenine, ıaǵnı myqty demokratııalyq qoǵamdy qalyptastyrý úshin kóp ýaqyt qajet bol­ǵanyna toqtaldy. «Táýelsizdiktiń shı­rek ǵasyry ishinde eldi áleýmettik-eko­nomıkalyq jaǵynan jedeldete damytý úderisi júrgizildi. Oǵan Elbasynyń bıylǵy Joldaýy men Úndeýi de dálel bola alady. Eger, Qazaqstan men EYDU áriptestigine keler bolsaq, bir ǵana gen­der­lik saıasat salasynda atqarylǵan ju­mystardy aıtsaq ta jetkilikti bolar. Ulttyq komıssııanyń atalǵan uıym­men yntymaqtastyq ornatýy EYDU-ǵa mú­she elderdiń genderlik saıa­sat sala­syn­da­ǵy deńgeıleri men standart­ta­ry­na ja­qyndaýǵa baǵyttalǵan bizdiń stra­te­gııalyq mindetterimizge saı keledi. Bul ret­te, elimiz EYDU elderiniń táji­rı­be­sin, myqty sarapshylyq áleýetin, zama­naýı ádis-tásilderin negizge ala otyryp, Qazaqstannyń genderlik saıasatyn da­mytýǵa aıryqsha nazar aýdaryp otyr», – dedi ol. Ulttyq ekonomıka vıse-mınıstri Má­dına Ábilqasymova memlekettik bas­qarý júıesin reformalaý álemdik stan­dart boıynsha júrgiziletinin aıtty. «Qazaqstandaǵy ákimshilik reforma­lar­dy tereńdetý úshin Memleket basshysy bılik tarmaqtary arasynda óki­lettikterdi bólý týraly el azamatta­ryna Úndeý jarııalady. Bul reforma – biz­diń qoǵamdy demokratııalandyrý jo­lyn­da­ǵy kezekti qadam. Birinshiden, bul – Úki­metti jáne Parl­amenttiń baqylaý fýn­­ksııasyn kú­sheı­tý. Ekinshiden, Par­la­ment pen Úki­met arasyndaǵy ózara yq­pal­dastyqty jaq­sartý arqyly olardyń el tur­ǵyn­darymen, saılaýshylarmen jáne bılik or­gandarymen aradaǵy keri baılanysyn kúsheıtý», – deı kele, ol bulardyń bar­ly­ǵy EYDU standarttaryna tolyq saı keletinin atap ótti. EYDU-nyń Memlekettik basqarý já­ne aýmaqtyq damý máseleleri jónindegi de­partamentiniń aǵa saıası sarapshysy Tatıana Teplova uıym men Qazaqstan arasynda ekonomıka men damý baǵytynda ty­ǵyz yntymaqtastyq ornaǵanyn jetkizdi. «Biz­diń jumysymyz, ásirese, memlekettik ba­s­qarý salasynda kezdesetin ózekti de túıtkildi máselelerge baǵyttaldy. Onyń ishinde Úkimettiń ashyqtyǵy, kóp deń­geı­li memlekettik basqarý, Qazaqstan Úki­metin tıimdi jáne transparentti etý, gen­derlik tepe-teńdikti saqtaý sekildi te­tikter saraptamalyq esepterimizge ózek bol­dy. Bul esepter 2012 jyly EYDU-nyń Qazaqstandaǵy memlekettik basqarý júıe­sine qatysty bastaǵan jumysynyń zańdy jalǵasy ispetti. Al dál qazirgi tańda biz Qazaqstan men uıym arasyndaǵy uzaq jylǵy áriptestiktiń belgili bir oń ná­tıjesin kórip otyrmyz», – dedi óz só­zi­nde T.Teplova. Onyń aıtýynsha, Qa­za­q­stan anaǵurlym zama­naýı memleket, jańar­tylǵan memlekettik qyzmet júıe­sin qurý jolynda mańyzdy qadamdar ja­sap keledi. Bul kúngi otyrysta sóz sóılegen Mem­­lekettik qyzmet salasyndaǵy О́ńir­lik hab bas­qarýshy komıtetiniń tó­ra­ǵa­sy Álıhan Baımenov álemniń je­tek­­shi 35 memleketiniń basyn qosyp otyr­­­ǵan Ekonomıkalyq yn­ty­maq­tas­tyq jáne damý uıymynyń, onyń ma­man­­darynyń tájirıbesiniń ne­gi­z­inde ja­­sal­ǵan usynystar eldiń ál-aýqatyn jaq­­­sartýǵa, Úkimet pen mınıstr­lik­ter­diń, ákimshilikterdiń jumysyn jan­dan­­dy­­rýǵa oń yqpalyn tıgizetinine se­nim bil­­dirdi. «Jalpy, kez kelgen stra­te­gııa­lyq jospardyń shyn mánisinde, saıa­­sı qujatqa aınalýyna kúsh salý qa­jet. So­nyń nátıjesinde, oǵan máselen, mını­str­lik­terdiń qyzmeti negizdelýi tıis», – dedi Á.Baımenov. Láıla EDILQYZY, «Egemen Qazaqstan»