Bazalyq mólsherlemeniń tómendetilýi qanshalyqty oryndy?

Ishki jáne syrtqy faktorlardyń qarjy sektoryndaǵy ahýalǵa, sondaı-aq ekonomıkalyq ósýdiń serpinine jáne tıisinshe bazalyq mólsherleme boıynsha keıingi sheshimderge áseri – bul máseleler keshe Ulttyq Bank ókilderi men Qazaqstannyń saraptamalyq qoǵamdastyǵynyń kezekti kezdesýi barysynda talqylandy. «О́zderińiz biletindeı, Ulttyq Bank keshe bazalyq mólsherlemeni 11%-ǵa deıin tómendetý týraly sheshim qabyldady. Bazalyq mólsherlemeniń dálizi +/- 1 paıyzdyq tarmaq deńgeıinde qaldy», - dedi óziniń kirispe sózinde QRUB Zertteýler jáne statıstıka departamentiniń dırektory Vıtalıı Týtýshkın. Ol bazalyq mólsherleme boıynsha sheshim qabyldanǵan faktorlardy qysqasha atap ótti, olardyń biri ınflıasııa deńgeıi bolyp tabylady. «Jyldyq ınflıasııa 2017 jylǵy qańtarda baıaýlap, 7,9%-dy qurady, buryn Ulttyq Bank boljaǵandaı nysanaly dáliz shegine kirdi. Inflıasııanyń qurylymynda azyq-túlik taýarlary baǵasynyń jyldyq ósý qarqynynyń 9,7%-dan 9%-ǵa deıin, azyq-túlikke jatpaıtyn taýarlardyń 9,5%-dan 9,2%-ǵa deıin, aqyly qyzmet kórsetýdiń 6,1%-dan 5,3%- ǵa deıin tómendeýi jalǵasty», - dep atap ótti V. Týtýshkın. Onyń aıtýynsha, ınflıasııa 2017 jylǵy qańtarda 0,8%-dy qurady, bul 2016 jyldyń osyndaı kezeńiniń kórsetkishinen edáýir tómen. «Bul jalpy alǵanda jyl basyndaǵy ınflıasııalyq úrdisterge sáıkes keledi, – dep atap ótti ol. – Inflıasııanyń jekelegen quraýyshtary boıynsha baǵanyń neǵurlym joǵary ósýinde tutynýshylyq baǵalardyń jalpy deńgeıiniń jedeldeý táýekeli bolmaıdy jáne basqa tutynýshylyq taýarlar men qyzmetter boıynsha qalypty baǵa serpinimen óteledi». Halyqtyń ınflıasııalyq kútýleri týraly kezdesýge qatysýshylardyń suraǵyna jaýap bere otyryp, V. Týtýshkın pikirterim nátıjeleri kelesi aıda (2016 jylǵy jeltoqsandaǵy 22%-dan 2017 jylǵy qańtardaǵy 8%-ǵa deıin) da, kelesi 12 aıda da (60%- dan 53%-ǵa deıin) baǵanyń qatty ósýin kútetin halyq úlesiniń aıtarlyqtaı tómendeýin kórsetkenin aıtyp berdi. «Inflıasııalyq kútýlerdiń sandyq baǵasy 2017 jylǵy qańtarda 6,6%-dy qurady. Halyqtyń kútýleri nysanaly dáliz ishinde qalyptasady jáne qańtarda ınflıasııanyń naqty máninen tómen deńgeıde tirkeldi. Halyqtyń qabyldaıtyn jyldyq ınflıasııasy deńgeıiniń tómendeýi de baıqalǵanyn atap ótken jón, baǵany burynǵyǵa qaraǵanda jyldamyraq ósti dep sanaıtyn respondentter úlesi 60%- dan 49%-ǵa deıin tómendedi, - dep túsindirdi ol». «Bazalyq mólsherleme boıynsha sheshim qolaıly makroekonomıkalyq jaǵdaılar aıasynda qabyldandy», - dep tolyqtyrdy óz kezeginde QRUB Monetarlyq operasııalar departamentiniń dırektory Álııa Moldabekova, ol sol sııaqty bazalyq mólsherleme deńgeıiniń tómendeýine yqpal etken faktorlardyń biri retinde valıýta naryǵyndaǵy ahýaldyń turaqtylyǵyn atap ótti. Ulttyq Bank ókilderi bazalyq salalardyń damý úrdisin sıpattaıtyn qysqamerzimdi ekonomıkalyq ındıkator 2017 jylǵy qańtarda jyldyq kórsetkish boıynsha 3,8%-dy quraǵandyǵyn, bul 2013 jylǵy jeltoqsannan bastap eń joǵary kórsetkish bolyp tabylatyndyǵyn habarlady. Máselen, 2016 jylǵy 12 aı ishinde jınaqtalǵan qorytyndysymen osy kórsetkishtiń ósýi jyldyq kórsetkish boıynsha 0,8%-dy qurady. «Ekonomıkalyq ósý qarqyny 2017 jyly 2,2%-ǵa deıin, 2018 jyly – 4,7%-ǵa deıin ósti. IJО́-niń serpinine naqty eksporttyń ósýi úles qosty, bul energııa resýrstary baǵasynyń turaqtanýyna, syrtqy suranysty qalpyna keltirýge jáne munaı óndirý kóleminiń ósýine baılanysty», - dedi V. Týtýshkın. Onyń aıtýynsha, halyqtyń jáne kásiporyndardyń jańa jaǵdaılarǵa birtindep beıimdelýi, valıýta naryǵynda ahýaldyń turaqtanýy, ınflıasııa jáne dollarlandyrý deńgeıiniń tómendeýi aıasynda ishki tutynýdyń qalypty túrde qalpyna kelýi kútiledi. «Memlekettik baǵdarlamalardy iske asyrýdy jalǵastyrý ınvestısııalardyń ósýine jáne ekonomıkanyń munaıǵa jatpaıtyn salalarynyń damýyna yqpal etetin bolady. Jalpy alǵanda ınflıasııanyń birtindep tómendeýin jáne iskerlik belsendiliktiń qalpyna kelýin qosa alǵanda, Qazaqstan ekonomıkasynyń odan ári damýyn oń baǵalaý Ulttyq Bankke bazalyq mólsherlemeni 11%- ǵa deıin tómendetý týraly sheshim qabyldaýǵa múmkindik berdi», - dep qorytyndylady ol. О́z kezeginde, sarapshylar elimizdiń qarjy naryǵyndaǵy aǵymdaǵy ahýal men ózgerister týraly shynaıy aqparat alý múmkindigi bar qarjy retteýshisiniń ókilderimen osyndaı kezdesýler ótkizýdiń mańyzdylyǵyn atap ótti. Qazaqstan Ulttyq Banki osyndaı is-sharany qarjy retteýshisiniń naryqpen jáne jurtshylyqpen belsendi kommýnıkasııalar saıasaty sheńberinde turaqty túrde ótkizip kele jatqanyn esterińizge salaıyq. Bazalyq mólsherleme boıynsha kelesi sheshim 2017 jylǵy 10 sáýirde Astana ýaqyty boıynsha saǵat 17.00-de jarııalanady.