NASA Kún júıesine jaqyn keńistikten ólshemi Jer sharyna sáıkes keletin 7 jańa ǵalamshar tabylǵanyn jarııa etti, dep jazady VVS. Olar TRAPPIST-1 qyzyl juldyzynyń orbıtasynan tabylǵan jáne 7 ǵalamshardyń úsheýi tirshilikke qolaıly bolýy múmkin. Ǵalymdardyń aıtýynsha, onda sýdyń suıyq kúıde saqtalýyna múmkindik bar. Jańa tabylǵan júıeniń Jer sharynan qashyqtyǵy 40 mln jaryq jylyna teń, bul qashyqtyqty túsindirý úshin ǵalymdar olarǵa reaktıvti ushaqpen 49 mln jylda jetýge bolatynyn aıtady. Ekzoplanetalar "Spıtser" atty teleskop arqyly tabylǵan.
"Ǵalamsharlar bir-birine jáne juldyzǵa jaqyn ornalasqan. Bul jóninen olar Iýpıterdiń serikterine uqsaıdy. Alaıda, juldyz óte kishkentaı jáne sýyq bolǵandyqtan, onyń planetalarynda suıyq kúıdegi sý, tipti tirshilik te bolýy yqtımal", deıdi astronom Mıshel Gııon.
VVS-diń ǵylym salasy boıynsha sholýshysy Devıd Shýkmannyń aıtýynsha, NASA osy kúnge deıin 3449 ǵalamshar anyqtaǵan. Onyń aıtýynsha, másele olardyń sanynda emes, kópshiliginiń Jerge uqsastyǵynda. Al joǵaryda atalǵan TRAPPIST-1 juldyzy - kishkentaı ári jaryq emes. Iаǵnı, ony teleskoppen kórý qıynǵa soǵady. Sarapshy endi jańa júıede kıslorod, metan sekildi gazdardyń bar-joǵyn anyqtaýy kerektigin aıtady. Al NASA-nyń ǵylymı mıssııalar bólimi basshysynyń orynbasary Tomas Sýrbıýhenniń pikirinshe, "Ekinshi Jer tabyla ma degen emes, ol qashan tabylady?" degen suraqqa basa nazar aýdarý kerek.
