Atyraý munaı óńdeý zaýyty 2017 jyly 5 joba júzege asyrady

Atyraý munaı óńdeý zaýyty 2017 jyly 77 mln teńgege 5 jobany júzege asyrady, dep habarlady «Samuryq-qazyna» AQ. Baǵdarlama boıynsha 2016 jyly munaı óńdeý zaýyttary men janar-maı stansııalarynyń, jáne korporatıvtik ortalyq qyzmetkerleri oqý oqyp, nátıjesinde 23 joba maquldandy. Bul jobalardy iske asyrýdan túsetin ekonomıkalyq paıda «QMG – óńdeý jáne marketıng» kompanııalar toby boıynsha 2017 jyly shamamen  350 mln teńgeni quraıdy. Atyraý munaı óńdeý zaýytynda (AMО́Z) 2017 jyly 5 joba iske asyrylyp jatyr, aldyn-ala esep boıynsha olardan túsetin paıda 77 mln teńgeni quramaq. Osy ýaqyt aralyǵynda barlyǵy 30 myń úderisti qaıta qarap, ulttyq kompanııalardaǵy basqarý satylaryn 9-dan 4-5-ke deıin qysqarttyq. Bul fýnksııalardyń qaıtalanýy, artyq esepter men eskirgen erejerler sııaqty kereksiz qyzmetti qysqartýǵa jol ashty. О́ndiris oryndarynda transformasııa baǵdarlamasy alǵashqy ekonomıkalyq paıdasyn bere bastady. Mysaly, AMО́Z-de bıznes-úderisterdiń reınjınırıngi eńbek ónimdiligin 50%-ǵa arttyrýǵa kómektesti. Buǵan qosa, AMО́Z-de óndiristik úderisterdi basqarý júıesi (MES) engizilgen. Avtomattandyrylǵan zamanaýı júıe óndiristik úderisterdi tıimdi basqarýǵa kómektesedi. Júıe munaı ónimderin ólsheý jáne materıaldar qozǵalysy týraly málimetterdi saraptaý úderisine adamı faktordyń yqpalyn meılinshe azaıtýǵa múmkindik beredi. Nátıjesinde, óndiristik aqparattyń dáldigi joǵarylap, neǵurlym tıimdi sheshimder qabyldanady. О́mirzaq Shókeev AMО́Z modernızasııasynyń iske asý barysymen tanysty. Qazirgi kúni modernızasııanyń ekinshi kezeńi aıaqtaldy, onyń aıasynda janar-jaǵarmaıdyń joǵarǵy oktandy quramdas bólikteri, jáne jylyna 133 000 tonna benzol men 496 000 tonna paraksılol óndiretin keshen salyndy. AMО́Z modernızasııasynyń úshinshi kezeńinde motorlyq janarmaı óndirisiniń kólemin arttyratyn munaıdy tereń óńdeý kesheniniń qurylysy aıaqtalýda. О́ndiriletin janarmaı Kedendik odaqtyń Tehnıkalyq reglamentindegi talaptarǵa saı K4, K5 ekologııalyq sanattaryna jatatyn bolady. Qurylystyń aıaqtalýy jáne iske qosý jumystary 2017 jyldyń 2 toqsanyna josparlanǵan.