Sheteldegi qandastarymyz da qalys qalmaıdy

Dástúrli Joldaýdyń: «Men Qazaq­stan halqyna jańa dáýir qar­sańynda sóz arnap otyr­myn», dep bastalýy tegin emes. Mem­leket bas­shysy «Bola­sha­ǵyn aıqyndap, syn-qater­lerdi kútip otyrmastan, oǵan tabandy túrde qarsy tura ala­tyn halyq qana jeńiske jete­di. Álemde kezekti, Tórtinshi óner­kásip­­tik revolıýsııa bastaldy. Eko­no­mı­kany jappaı sıfrlandyrý tutas sala­nyń joıylýyna jáne múlde jańa sala­nyń paı­da bolýyna alyp keledi. Bizdiń kóz al­dy­­myzda bolyp jatqan uly ózgerister – ári tarıhı syn-qater, ári ultqa berilgen múm­­kin­­dik», degendi jaıdan-jaı aıtyp otyrǵan joq. Eldiń jahandyq básekege qabilettiligin qamtamasyz etetin ekonomıkalyq ósim­niń jańa modelin jasaýda sheteldegi 5 mıl­lıonǵa jýyq qandasymyzdyń áleý­mettik, demo­gra­fııalyq, mádenı, ekono­mı­kalyq jáne saıası áleýeti de nazar­dan tys qalmaıdy dep úmit­tenemiz. Olar­men mádenı qarym-qatynas orna­typ, ult­tyq rýhanı turǵydan qoldaý kór­setip júrgen Dúnıejúzi qazaqtary qaýym­das­tyǵy Elbasy Joldaýynda aıtylǵan Qazaq­standy jańǵyrtýdyń bes negizgi basymdyǵyn nasıhattaý jáne túsindirý jumysyn josparǵa saı júrgizetin bolady. Bul baǵytta jyldaǵy dástúr boıynsha, Joldaýdyń mátinin Qytaıdaǵy qazaqtar úshin Ahmet Baıtursynov álipbıi boıyn­sha, Reseıdegi qazaqtar úshin kırıllısa­men, Eýropadaǵy qazaqtar úshin latyn álipbıimen orys, ózbek, mońǵol, aǵylshyn jáne suranysqa qaraı ózge de tilderge aýdaramyz. Ony sheteldegi ulttyq-mádenı ortalyqtar arqyly jáne Qaýym­dastyq uıymdastyratyn jáne onyń atsalysýmen ótetin túrli quryl­taılar, konferensııalar, dóń­gelek ústel jıyndary men máde­nı, sporttyq jáne taǵy basqa da sharalarda sheteldegi qan­das­tarymyzǵa taratatyn bolamyz. Sondaı-aq, Qazaqstannyń jetek­shi ǵalymdary men qoǵam qaıratker­leriniń kómegimen túsindirý, taldaý, nası­hattaý jumystary júrgiziledi. Jalpy, Táýelsizdik jyldary ata­jurtqa oralǵan 1 mıllıonǵa jýyq qan­dasymyz Qazaqstannyń damýyna qomaqty úles qosqanyn búginde eshkim joqqa shyǵar­maıdy. Onyń eń mańyzdysy olar­dyń mem­leket quraýshy ulttyń keńes­tik dáýirde qul­dyrap ketken úlesin, óziniń tarıhı ornyna qaıta shyǵarýy deýge bolady. Shetelden kelgen qandastarymyz ózimen birge adamı kapıtalyn ǵana emes, sheteldik qarjy men tehnologııany ınvestısııalaýǵa jol ashty. Bul úrdis aldaǵy ýaqytta da úzilissiz óz jalǵasyn taba beretin bolady. Babalarymyzdyń «Elge el qosylsa – qut» degen naqyly osyndaı jaǵdaıǵa oraı aı­tylǵany kúmánsiz. Eldigimizdiń baıandy, mem­leketimizdiń básekege qabilettiliginiń joǵary bolýy tek qazaqstandyqtardyń ǵana emes, syrtta júrgen qazaqtardyń da asyl armany. Talǵat MAMAShEV, Dúnıejúzi qazaqtary qaýymdastyǵy Tóralqa Tóraǵasynyń birinshi orynbasary ALMATY