«Qoshtasýdyń qıyny-aı» degen sııaqty, Pavlodardyń keńestik kezeńmen qoshtasýy da uzaqqa sozylyp barady. Kommýnızmniń elesi áli júr. Oblys pen shahardyń atyn aýystyrýdy aıtpaı-aq qoıalyq, elimizdiń táýelsizdik alǵanyna shırek ǵasyr ýaqyt bolsa da qaladaǵy kósheler ataýy báz-baıaǵy qalpynda, árisi Reseı, berisi revolıýsıoner tulǵalardyń atynda. Árıne, aıtysyp-tartysyp júrip sanaýly kóshe qazaq qaıratkerleriniń esimderin ıelendi.
Byltyr oblystyq onomastıkalyq komıssııanyń sheshimimen Álııa men Mánshúkke, Baýyrjan atamyzǵa 8-9 kóshe ataýlary buıyrdy. Árıne, qaladan emes, aýyldardan. Bogatyr aýylyndaǵy Razın kóshesine, Maıtúbek aýylyndaǵy Lenın kóshesine, Mıhaılovka aýylyndaǵy Sovetskaıa kóshesine, Aqsý qalasyndaǵy Sarev kóshesine Baýyrjan Momyshulynyń esimi berildi.
Endi Bogatyr aýylyndaǵy Pýgachev kóshesi, Alakól aýylyndaǵy Lenın kóshesi, Jelezın aýylyndaǵy Sadovaıa kóshesi, Serkovnaıa aýylyndaǵy Novaıa kóshesi, Aqsý qalasyndaǵy Keńester kóshesi Álııa Moldaǵulova atymen atalady.
Aqsý qalasyndaǵy Entýzıastar kóshesi Mánshúk Mámetova bolyp ózgertildi. Osylaısha, shalǵaıdaǵy aýyldardaǵy kósheler qazaqtyń qaharman perzentteriniń esimderin ıelendi.
Kereký óńirindegi onomastıkalyq ahýal aıtylýdaı-aq aıtylyp, jazylýdaı-aq jazylyp jatyr ǵoı. Mysaly, Pavlodar qalasyndaǵy Sývorov kóshesin Oljabaı batyrdyń dańqty esimimen ataý kerek dep aıtylyp kele jatqaly qashan. Biraq, nátıje shamaly bolyp tur. Bastysy, táýelsizdik tóńiregindegi, memlekettilik máselesindegi nasıhat jumysy kemshin túsip jatqandaı. Áıtpese, táýelsiz eldegi kóshe ataýlaryna deıin memlekettik múddemen astasyp jatýy tıis qoı.
Aıtpaqshy, jýyrda oblys ákiminiń esepti kezdesýinde qalanyń Qurmetti azamaty Evgenıı Azarov kóńilge qonatyn usynys jasady:
– Búginde shahardan syrtqary shyǵatyn joldardyń deni Astanaǵa qaraı baǵyttalǵan. Sondyqtan oblys ortalyǵynyń basty, ortalyq Kýtýzov kóshesin elordanyń qurmetine Astana kóshesi, al Lenın kóshesine Táýelsizdiktiń 25 jyldyǵy ataýyn bersek durys bolar edi, – dedi.
Azarov aıtýyn aıtty-aý, áıtse de, tolyqtaı sheshim qabyldanbaıynsha kóńil shirkin senbeıdi ǵoı. Bul usynys ta saǵyzsha sozylyp ketpese jarar edi. Kelmeske ketken qoǵamnyń kósemi táýelsizdikke jýyq arada jol bere qoıar ma eken?
Farıda BYQAI,
«Egemen Qazaqstan»
PAVLODAR
«Qoshtasýdyń qıyny-aı» degen sııaqty, Pavlodardyń keńestik kezeńmen qoshtasýy da uzaqqa sozylyp barady. Kommýnızmniń elesi áli júr. Oblys pen shahardyń atyn aýystyrýdy aıtpaı-aq qoıalyq, elimizdiń táýelsizdik alǵanyna shırek ǵasyr ýaqyt bolsa da qaladaǵy kósheler ataýy báz-baıaǵy qalpynda, árisi Reseı, berisi revolıýsıoner tulǵalardyń atynda. Árıne, aıtysyp-tartysyp júrip sanaýly kóshe qazaq qaıratkerleriniń esimderin ıelendi.
Byltyr oblystyq onomastıkalyq komıssııanyń sheshimimen Álııa men Mánshúkke, Baýyrjan atamyzǵa 8-9 kóshe ataýlary buıyrdy. Árıne, qaladan emes, aýyldardan. Bogatyr aýylyndaǵy Razın kóshesine, Maıtúbek aýylyndaǵy Lenın kóshesine, Mıhaılovka aýylyndaǵy Sovetskaıa kóshesine, Aqsý qalasyndaǵy Sarev kóshesine Baýyrjan Momyshulynyń esimi berildi.
Endi Bogatyr aýylyndaǵy Pýgachev kóshesi, Alakól aýylyndaǵy Lenın kóshesi, Jelezın aýylyndaǵy Sadovaıa kóshesi, Serkovnaıa aýylyndaǵy Novaıa kóshesi, Aqsý qalasyndaǵy Keńester kóshesi Álııa Moldaǵulova atymen atalady.
Aqsý qalasyndaǵy Entýzıastar kóshesi Mánshúk Mámetova bolyp ózgertildi. Osylaısha, shalǵaıdaǵy aýyldardaǵy kósheler qazaqtyń qaharman perzentteriniń esimderin ıelendi.
Kereký óńirindegi onomastıkalyq ahýal aıtylýdaı-aq aıtylyp, jazylýdaı-aq jazylyp jatyr ǵoı. Mysaly, Pavlodar qalasyndaǵy Sývorov kóshesin Oljabaı batyrdyń dańqty esimimen ataý kerek dep aıtylyp kele jatqaly qashan. Biraq, nátıje shamaly bolyp tur. Bastysy, táýelsizdik tóńiregindegi, memlekettilik máselesindegi nasıhat jumysy kemshin túsip jatqandaı. Áıtpese, táýelsiz eldegi kóshe ataýlaryna deıin memlekettik múddemen astasyp jatýy tıis qoı.
Aıtpaqshy, jýyrda oblys ákiminiń esepti kezdesýinde qalanyń Qurmetti azamaty Evgenıı Azarov kóńilge qonatyn usynys jasady:
– Búginde shahardan syrtqary shyǵatyn joldardyń deni Astanaǵa qaraı baǵyttalǵan. Sondyqtan oblys ortalyǵynyń basty, ortalyq Kýtýzov kóshesin elordanyń qurmetine Astana kóshesi, al Lenın kóshesine Táýelsizdiktiń 25 jyldyǵy ataýyn bersek durys bolar edi, – dedi.
Azarov aıtýyn aıtty-aý, áıtse de, tolyqtaı sheshim qabyldanbaıynsha kóńil shirkin senbeıdi ǵoı. Bul usynys ta saǵyzsha sozylyp ketpese jarar edi. Kelmeske ketken qoǵamnyń kósemi táýelsizdikke jýyq arada jol bere qoıar ma eken?
Farıda BYQAI,
«Egemen Qazaqstan»
PAVLODAR
Sońǵy jańalyqtar
Kóktemgi áskerge shaqyrý: О́tinimdi endi onlaın berýge bolady
Qoǵam • Búgin, 16:19
JI jáne memlekettik qyzmetter: AlemGPT servısiniń múmkindikteri qandaı?
Tehnologııa • Búgin, 16:10
Florıda jaǵalaýynan quny 1 mıllıon dollar bolatyn kóne qazyna tabyldy
Álem • Búgin, 15:53
Almatyda kásipkerlerge qysym kórsetpek bolǵan qarýlanǵan top ustaldy
Oqıǵa • Búgin, 15:48
Soltústik Qazaqstan oblysynda sońǵy eki aıda jol apatynan 10 adam qaza tapty
Aımaqtar • Búgin, 15:42
Iran Ormuz buǵazynda taǵy bir munaı tankerin joıdy
Álem • Búgin, 15:23
Shavkat Rahmonovtyń áıeli 5 jylǵa sottaldy
Zań • Búgin, 15:03
Premer-mınıstr jasandy ıntellektini damytýdyń negizgi baǵyttaryn atady
Tehnologııa • Búgin, 14:51
Elimizdegi 272 eldi mekende sý tasqyny qaýpi áli de seıilgen joq
Aımaqtar • Búgin, 14:38
Aldaǵy kúnderi qaı óńirlerde kún kúrt jylynady?
Aýa raıy • Búgin, 14:28
Astanalyq polıseıler beınekamera arqyly jol erejesin buzǵandardy anyqtady
Oqıǵa • Búgin, 14:13
Gúlzarlar aýmaǵy 77%-ǵa ulǵaıady: Bıyl Almatyda qandaı gúlder egiledi?
Almaty • Búgin, 13:50
Eýrazııalyq úkimetaralyq keńestiń kelesi otyrysy Qyrǵyzstanda ótedi
Úkimet • Búgin, 13:35
Ashat Aımaǵambetov zeınetaqy qarajatyn basqarýǵa qatysty túzetýlerdi túsindirdi
Qoǵam • Búgin, 13:20
HOK málimdeme jasady: Endi transgenderler Olımpıadaǵa qatysa almaıdy
Sport • Búgin, 13:05
