Ońtústik Qazaqstan oblysynyń ákimi Janseıit Túımebaev Iran Islam Respýblıkasynyń Qazaqstandaǵy Tótenshe jáne О́kiletti Elshisi Modjtaba Damırchılýmen kezdesti, dep habarlady OQO ákiminiń baspasóz qyzmeti.
Basqosýda óńirimizge arnaıy jumys saparymen kelgen mártebeli meımanǵa óńir basshysy alǵysyn bildirip, aımaqtyń ónerkásip pen aýyl sharýashylyǵy salasyndaǵy jetistikterimen tanystyrdy. Sonymen qatar, oblysymyzdyń ınvestısııalyq jáne týrıstik áleýetin shetel naryǵyna tanystyrý basty basymdyqtarymyzdyń biri ekenin aıtyp, birlese jumys isteýge shaqyrdy.
«Úsh mıllıonǵa jýyq halqy bar Ońtústik óńiriniń san salalar boıynsha áleýeti joǵary. Oǵan oblysymyzdaǵy búginde 151 ınvestısııalyq joba júzege asyrylyp jatqan 11 ındýstrıaldy aımaǵymyz ben 10 iri kásiporny bar «Ońtústik» arnaıy ekonomıkalyq aımaǵymyzdyń jumysyn júrgizýi dálel. Bul rette, sheteldik ınvestorlarǵa da yńǵaıly jaǵdaılardyń jasalatynyn, máselen, salyqtan bosatý syndy jeńildikterdiń bolatynyn aıta ketýimiz qajet», - dedi J.Túımebaev.
О́z kezeginde, Iran Elshisi de aımaq basshysyna rızashylyǵyn bildirip, Qazaqstanmen, onyń ishinde, Ońtústik óńirimen saýda-ekonomıkalyq baılanystarynyń odan ári nyǵaıýyna nıetti ekenin jetkizdi. Sondaı-aq, aýyl sharýashylyǵy, týrızm, kásipkerlik, sport salalarynda birlese jumys isteýge daıyn ekenin bildirdi.
«Ońtústik Qazaqstanda ırandyq kásipkerler burynnan-aq kásibin ashyp, jumysyn dóńgeletip júr. Búgingi sapardyń maqsaty – osy baılanysty odan ári damytyp, keńeıtý. Sondyqtan, aımaqtyń ınvestısııalyq áleýetimen tolyqtaı tanysyp, birlesken jobalar jaıyn oılastyrýǵa ırandyqtar jaǵy ázir», - dedi Elshi myrza.
Eki jaqty kezdesý barysynda ákim oblystaǵy sala jetekshilerine aımaqtaǵy ınvestısııa salýdy qajet etetin jobalar retin túzip, jan-jaqty zerttep, ıran ınvestorlaryna usynýdy tapsyrdy. Sondaı-aq, sheteldik kásipkerlerge ákimdik tarapynan jasalatyn barlyq jeńildikterdi uıymdastyrýdy júktedi.
Aıta ketý kerek, Iran Islam Respýblıkasy men Ońtústik Qazaqstan oblysynyń arasyndaǵy saýda-ekonomıkalyq baılanys jyldan jylǵa artyp keledi. Máselen, ótken jyldyń ózinde, qos tarap arasyndaǵy ishki saýda aınalymy 19 mln. AQSh dollaryn quraǵan. О́ńirimizge Irannan qurylys materıaldary men keramıkalyq buıymdar, santehnıka, turmystyq hımııa, kilem ónimderi jáne jemis-jıdekter ımporttalsa, bizden eksporttalatyn taýarlardyń qataryna jańǵaq, sement, teri ónimderi men et ónimderi, arpa jatady.
