«Qaırat» vengrııalyq fýtbolshymen tolyqty

Vengrııanyń «Dıoshder» ujymynda oınaǵan Akosh Elek Almatynyń «Qaırat» komandasyna aýysty, dep habarlady vesti.kz. Fýtbolshynyń elimizge kelgeni osyǵan deıin habarlanǵan. Medısınalyq tekseristen ótkennen keıin «Qaıratpen» kelisimshartqa otyrady. Transfermarket.de málimeti boıynsha 28 jastaǵy jartylaı qorǵaýshynyń transferlik quny 800 myń eýrony quraýy múmkin. «Osyǵan deıin birneshe ret ózge elde dop tepkim keletinin aıtqanmyn. Endi mine, maqsatyma jetip otyrmyn. Shynymdy aıtsam, Shyǵys Eýropa elderiniń birine jol tartqym keldi. Biraq usynys bolmady. Al Qazaqstan premer-lıgasy sońǵy jyldary qarqyndy túrde damyp keledi. О́zimdi jaqsy qyrymnan kórsetetin úlken múmkindik týyp tur», – dedi Akosh Elek. Aıta keteıik, jartylaı qorǵaýshy fýtbolshylyq jolynda Vengrııanyń «Kazınsbarsıka», «Vıdeoton», Qytaıdyń «Chanchýn Iаtaı», Túrkııanyń «Eskıshehırspor» sekildi komandalarynda oınaǵan. Al Vengrııa ulttyq quramasynyń sapynda 40 matchqa qatysqan. Byltyr Fransııada ótken Eýropa chempıonatynda 1/8 fınalǵa deıin jetken bolatyn.