Jazany kúsheıtken jón

Alkogoldy ishimdik iship, qoǵamdyq tártipti buzǵandarǵa jazany qatańdatpaı bolmaıdy. О́z mindetterine salǵyrt qaraǵan ondaılardy túrmege deıin otyrǵyzý sharalary qarastyrylsa, quba-qup balar edi. Quqyq qoldaný tájirıbeleriniń ózekti máseleleri boıynsha ótkizilgen ǵy­l­y­mı-praktıkalyq konferensııada jurt­shy­lyqty mazalaıtyn mańyzdy jaıttar, ıývenaldyq po­lıseıler, ýchaskelik po­lı­sııa ınspektor­lary, jol-patrýldik qyz­met­terine qatysty má­­seleler qamtyldy. De­­sek te, tıis­ti zań­namalarǵa ózgerister en­­­gi­zý sheń­be­­­­rin­de zań­gerl­er tarapynan aı­tyl­­ǵan usy­­nys­tar­dyń ózekt­isi – ishim­dik­ke beı­im adamdarǵa qol­da­nylatyn jazalardy kú­sheıtý. Sońǵy kezderi óńirde ákimshilik aıyp­pul­dy tólemeýshilerdiń sany áldeqaıda art­qan. Byltyr 12 myńnan astam adamǵa ákim­shilik hattamalar toltyrylyp, 114 mıllıon teńge aıyppul salynsa, onyń jar­tysy ǵana ótelgen. Aralarynda aqyl-esinen aırylǵansha iship, qoǵamdyq tártipti birneshe márte buzǵandar da az emes. Olar­dyń basym bóligin esh jerde ju­mys istemeıtinder men ishimdikti sýsha si­­­mi­retinder quraıtyndyqtan, aıyppul ón­­dirý óte qıyn. Sondyqtan mundaı sa­nat­taǵylardy túrmege qamap, túzeý ju­mystaryna da májbúrleý kerek. Ol úshin zań­namaǵa ózgerister engizilýin qoldaımyz. Q­azirgi zańnama normalary boıynsha aıyp­pul salýmen ǵana shektelip júrmiz, deıdi sol­tústikqazaqstandyq polıseıler. Qoǵamdyq tártip saqshylarynyń piki­rin­she, aıyppuldyq jaza túrimen qosa, qyl­mystyq quqyq buzýshylyq sharalary da qoldanylsa, aıaǵyn ańdap basatyndardyń sanynyń kóbeıe túseri anyq. О́mir ESQALI, «Egemen Qazaqstan» Soltústik Qazaqstan oblysy