Naýryz týsa da, Shyǵysta kóktemniń lebi sezilmeı tur ázirge. Kári quda óńirdegi jurtty áýre-sarsańǵa salýyn toqtatar emes. О́tken senbi-jeksenbi kúnderi Shyǵys óńirlik aeroutqyr jedel qutqarý jasaǵynyń kúshimen 9 adam, onyń ishinde 5 bala qar qursaýynan qutqaryldy.
Shyǵys Qazaqstan oblystyq tótenshe jaǵdaılar departamentiniń baspasóz qyzmetiniń taratqan aqparattaryna súıensek, 6 naýryz kúndiz Shyǵys óńirlik aeroutqyr jedel qutqarý jasaǵy bólimshesine kómek suraǵan sıgnal kelip túsedi. Alakólden 15 shaqyrym jerde, jaǵalaýda kenetten soqqan qatty jel men burqasynnan eki avtomobılge mingen toǵyz adam, onyń 5-ýi bala jolǵa shyǵa almaı turyp qalady. Qutqarýshylar oqıǵa oryna dereý jetip, jolaýshylardyń buzylyp qalǵan kólikterin jóndeýge kómektesip, olardy Qabanbaı aýylyna deıin jetkizip salady.
Azamat QASYM, «Egemen Qazaqstan»
Sýretter ShQO tótenshe jaǵdaılar departamentiniń baspasóz qyzmetinen alyndy
