Kúlimdegen kóktemdegi shýaqty kezdesý

Gúl-kóktemniń kúlimdegen kúni­men birge kelip jetken arýlar mere­kesine oraı, Elbasynyń jyl saıyn názik jandar qaýymynyń ókil­derimen júzdesip, quttyqtaýy dás­túrge aınalǵan. Bıyl da ónerimen, eńbegimen elenip júrgen arýlarmen Memleket basshysynyń «Kóktem shýaǵy» atty kezdesýi ótti. Prezıdent kezdesýge kelgen qyz-kelin­shekterdiń árqaısysyna kóńil-bólip, emen-jarqyn áńgimelesti. – Qymbatty hanymdar! Jyl saıyn Aqordada dástúrli «Kóktem shýaǵy» dál osy kezde ótkiziledi. Ony ózderińiz bile­siz­der. Aldaǵy kele jatqan mereke – Áıel­der kúni barshańyzǵa qutty bolsyn! Baq-be­re­ke, jaqsylyq tileımin! Búgin biz­­diń orta­myz­da áıel azamattardyń ár sa­la­­da qyz­met is­tep júrgen ókilderi bar. Kóp bala­ly ana­lar, depýtattar, ǵalym­dar, sot, dıqan, ká­sip­ker, óner­tapqysh, dári­ger, ánshi, jýr­na­lıst, aktrısa, sport­shy, jaýyn­­­gerge deıin aramyzda otyr,– degen El­­­ba­­sy eli­mizde áıelderdiń róli­ne ár ýa­qyt­­ta nazar aýdarylyp kele jatqanyn aıtty. – Biz – anany, áıeldi ár ýaqytta qur­mettep, joǵary baǵalaǵan halyqpyz. Batyr analarymyz el basyna kún týǵan­da er-azamattarmen birge qolyna qarý alyp, Otan qorǵaǵan. El úshin er-aza­mat­tarmen birge jaýǵa shapqan Bopaı hanym, Hıýaz Dospanova, Álııa, Mánshúkter óshpes erlikterimen eldiń sanasynda qal­ǵanyn bárimiz jaqsy bilemiz. Qazaq áıel­deriniń arasynda zor qurmetke bó­len­gen úlken analarymyz Domalaq ana, Aısha bıbi, Aıǵanym hansha, Zere áje­leri­miz parasattyń sımvoly bolyp san­alady. Búgingi Qazaqstan áıelderi – sol pa­rasatty jalǵastyratyn, ańyzǵa aınalǵan an­alary­m­yzdyń jolyn jalǵaıtyn izba­sar­lary. Biz árqashan «Áıel – úıdiń qazy­ǵy» dep áıelin qurmettegen halyqpyz. «Qyz ósse eldiń kórki» dep qyzyn qurmettegen halyqpyz. Uly Dalada qıly zamannan kele jatqan ıgi dástúr qazir de jalǵasýda, – dedi N.Nazarbaev. Memleket basshysy óz sózinde áıelder qaýymynyń Qazaqstan qoǵamyn damytýǵa súbeli úles qosyp kele jatqanyn aıtty. Názik jandylar búginde qol qýsyryp qarap otyrmaı, el ekonomıkasynyń barlyq salasynda, memlekettik qyzmette, ǵylymda, jeke kásipkerlikte, bilim berý men densaýlyq saqtaý salalarynda eńbek etip jatyr. Búginde memlekettik qyzmetkerlerdiń 55 paıyzyn arýlar quraıdy. Bilim berý salasynda – 65 paıyz, densaýlyq saqtaý isinde 75 paıyz áıelder jumys isteıdi. Jeke kásipkerlikpen aınalysatyn jandardyń teń jartysyna jýyǵy názik jandylar, shaǵyn jáne orta bıznestiń 42 paıyzy áıelder qaýymynyń qolynda. «Bolashaq» baǵdarlamasymen shetelderde bilim alǵan 12 myńnan astam jastyń jartysy qyzdar. – Biz qasıetti Táýelsizdigimizdiń úshin­shi músheline aıaq bastyq. Osy jyl­­darda memlekettigimiz nyǵaıyp, aıaǵy­na nyq turýyna áıelderdiń qosqan úlesi erekshe. Elimizde eńbek etetin aza­mat­tardyń teń jartysynan kóbi qyz-kelin­shekter. Áıelder Úkimet qura­myn­da, Parlament qabyrǵasynda, túrli deń­geıdegi ákimdikterde tabysty jumys at­qarýda,– dedi Elbasy. Memleket basshysy atap ótkendeı, qazirgi tańda elimizde eńbek etemin, tabys tabamyn degen janǵa barlyq jaǵdaı jasalyp jatyr. Eń bastysy, el irgesi tynysh, tatýlyq pen turaqtylyq bar. Bul eń mańyzdy másele bolyp tabylady. – BUU málimetterine súıensek, búginde jer júzinde 1 mıllıardqa jýyq adam ashtyqtan azap shegýde, 3 mıllıard adam taqyr kedeı, 16 mıllıon adam quldyqta ómir súredi. 65 mıllıon adam bosqyn bolyp, shybyn jany úshin jat jerde bas saýǵalap júr, onyń jartysy jastar men sábıler. Osyndaı almaǵaıyp zamanda elimizdiń beıbitshilikke bólenýi birlik pen berekege uıyp, tatýlyqty tý etkeniniń ar­qasy. Elimizde jyl saıyn myńdaǵan jańa jumys orny ashylyp jatyr. Eńbek etemin degen janǵa barlyq múmkindik jasalý­da. Biz – táýbesinen jańylmaǵan el­miz. Bardy baǵalap, kóz­diń qarashyǵyndaı saq­taı bilgen halyq­pyz. Ári qaraı da osyny saqtaı bilýi­miz kerek. Tatý elde taqsiret bolmaıdy, – dedi Prezıdent. Elbasy sóz etkendeı, Qazaqstandaǵy ómir standarty ortasha álemdik kórset­­kishten asyp túsedi. Elimizdegi turǵyn­dardyń adamı suranystarynyń, qajet­tilikteriniń artýy qalypty qubylys. Bul týraly Prezıdent Sınga­pýr­daǵy jaǵdaıdy mysalǵa keltirip ótti: – Sıngapýr álemdegi baı mem­leket­ter­diń biri sanalady. Men eldi uzaq ýa­qyt basqarǵan burynǵy basshysynan «Siz­­der­de bir adamǵa 60 myń dollardan ke­le­di. Halyqty baspanamen qamtamasyz et­ti­­ńiz­der, bári kúıli-qýatty turady. Olar­dyń suranystary bar ma?» dep suradym. Ol: «Árıne, bolǵanda qandaı. Páter­de tu­ra­ty­ndar jeke úıli bolǵylary kele­di. Toıo­ta minip júrgender Mersedesi bol­ǵa­nyn qalaıdy», dep jaýap bergen edi. Bul du­rys ta. Adamnyń yntyzarlyǵy ju­mys is­teýge, aqsha tabýǵa ıtermeleıdi jáne bú­kil qoǵamdy ilgeriletedi, –dedi Mem­le­ket basshysy. N.Nazarbaev elimizdegi demo­grafııa­lyq saıasat aıasynda analar men balalardy qoldaýǵa erekshe kóńil bólinetinine de toqtalyp ótti. Osy kezdesýde aıtylǵan­daı, bıylǵy jyly Prezıdenttiń tike­leı tapsyrmasy boıynsha 2030 jyl­ǵa deıingi Otbasy jáne genderlik saıa­sat tujy­rym­da­masyn júzege asyrý bas­ta­lady. Shil­de aıynan bastap dúnıege kelgen sábı úshin beriletin jórgekpul 20 paıyzǵa artady. Jyl saıyn analar men balalardy qar­jy­laı qoldaý úshin bólinetin shyǵyn kólemi 160 mıllıard teńgeni quraıdy. Taǵy 120 mıllıard teńge ata-analarǵa Memlekettik áleýmettik saqtandyrý qory­nan tólenedi. Sońǵy on jyl ishinde eli­mizde analar ólimi – 3,7 esege, al balalar ólimi 1,5 esege tómendegen. Sóz joq, ana­lar men bala­lar­dyń ómirin uzartýǵa qol jetkizý – asa mańyzdy máselelerdiń biri. Nursultan Nazarbaev arýlarǵa eli­miz­degi genderlik saıasatty nyǵaıtýǵa baǵyt­talǵan birqatar mindetti aıqyndap berdi. Onyń ishinde otbasy ınstıtýtyn nyǵaıtý basty mindettiń biri bolyp sanalady. Bul oraıda, Elbasy Qazaqstanda erli-zaıyptylardyń jaýapkershilik arqalaýǵa daıyn bolmaýynyń saldarynan nekege turǵan árbir úshinshi juptyń ajyrasyp jatqany jóninde málimet keltirdi. – Qazir elimizde ata-ananyń tek bireýi­niń ǵana asyraýyndaǵy tolyq emes jarty mıl­lıon otbasy bar. Bul máseleni sheshý jó­ninde sharalar qabyldaý qajet, – dedi Pre­zıdent. Sonymen birge, Memleket bas­shy­sy balalarǵa qatysty kez kelgen zor­lyq-zombylyqty joıyp, óskeleń ur­paq tárbıesin arnaýly úıirmeler men meke­me­lerde patrıottyq sezimdi kúsheıtý arqyly qamtamasyz etý qajettigine nazar aýdardy. Elbasy aıtyp ótkendeı, aldaǵy ýaqyt­ta tórt jylda bir ret Olımpıada jeńim­pazdary jetekshilik etetin Búkil­qazaq­stan­dyq balalar olımpıadasyn ótkizý múm­­kindigin qarastyrýǵa bolady. Taǵy bir má­sele – áıelderdiń ortasha kiris deńgeıi e­rkek­termen salystyrǵanda áli kúnge de­ıin úshten bir mólsherge tómen. Mundaı jaǵ­daı­dyń oryn alýynyń basty sebebiniń biri – Úkimet bekitken Áıelder eńbegin qol­danýǵa tyıym salynǵan jumystar tizimi. Elbasy genderlik saıasattyń basym­dyǵy bar bir baǵyty retinde analar men bala­lar úshin qolaıly orta qalyptas­tyrý, sondaı-aq anaǵa degen syılastyq má­de­nıe­tin jandandyrý qajettigin aıtyp ótti. – Bálkim, balalar úshin jalpyulttyq ashyq esik kúnderin ótkizip otyrý kerek bolar. Qurmetti hanymdar, sizderdiń qoldaýlaryńyzben biz barlyq josparymyzdy iske asyra alamyz dep úmittenemin, – dedi Memleket basshysy. Jyl saıyn Aqordada 8 naýryz mereke­sine oraı ótetin kezdesýge ár salada el ómi­rine eleýli eńbek sińirgen qyz-kelinshekter keletini belgili. Bıyl­ǵy júzdesýge kelgen arýlardyń arasyn­da da ekonomıka, óner, sport, demogra­fııa, densaýlyq saqtaý syndy san túr­li salada súbeli eńbek sińirip júrgen názik jandylar bar. Atap aıtar bolsaq, kezdesýge Par­la­ment Májilisiniń depýtaty, Bala qu­qyq­­­tary jónindegi ýákil Zaǵıpa Ba­lıeva, ǵa­­lym-mıkrobıolog, «Bolashaq» baǵ­da­r­­la­masynyń túlegi, «Úzdik jas ǵa­lym-2014» baıqaýynyń jeńimpazy Álııa Er­­na­­zarova, jýyrda Almatyda ót­ken Ýnı­ver­sıa­da-2017 chempıony Anna Shev­chen­ko, QHA múshesi, aýyl mektebiniń dırek­tory, qazaq tili men ádebıeti pán­deriniń mu­ǵa­limi Irına Sedova, «Jas Atameken» jas ká­sip­kerler klýbynyń prezıdenti Za­rına Kókjanova, aqyn, «Shabyt» halyq­aralyq baıqaýynyń laýreaty Tol­qyn Qabylsha, ánshi, halyq­aralyq baı­qaý­lardyń jeńimpazy Marııa Galıskaıa, «Te­ńiz­shevroıl» JShS adam resýrstaryn bas­qarý bas menedjeri Shol­pan Alty­baeva, aýdandyq aý­rý­­hana­nyń bas dárigeri, aýdandyq más­lı­hat depýtaty Qarly­ǵash Rázıeva, Ult­tyq eko­nomıka vıse-mınıstri Mádına Ábil­qasymova, «Astana-Balet» teatrynyń je­tek­shi balerınasy Mılana Býkanova, kóp balaly ana, «Kúmis alqa» ıegeri Ok­sana Muqasheva, qobyzshy, halyqaralyq baı­qaý­lar­dyń laýreaty Aqerke Tájibaeva, As­tana qalalyq kámeletke jasy tolmaǵan­dar isi jónindegi mamandandyryl­ǵan aýdanaralyq sottyń tóraıymy Nazılııa Razzaq, Abaı atyndaǵy Memlekettik aka­de­­mııa­­lyq opera jáne balet teatrynyń so­lı­si Oksana Davy­denko, Qazaqstan Respýb­lıkasy Qarý­ly Kúsh­teriniń Parashıýtpen sekirýge da­ıyn­­­­daý ortalyǵynyń aǵa mamany Rım­ma Rama­­zanova, belgili aktrısa, estrada án­shisi Saltanat Baqaeva, jýrnalıst, res­pýb­lıka­lyq baıqaýlardyń jeńimpazy Venera Mır­lanqyzy syndy tanymal jandar boldy. Elbasymen júzdesken názik jandylar alǵashynda tolqynystaryn basa almaǵany baıqalyp turdy. Olar Elbasyna degen lebizderin bildirip, sheksiz alǵystaryn jetkizdi. Memleket basshysy olardy yqylaspen tyńdap, ádemi ázil, maǵynasy tereń támsil aıtyp otyrdy. Soltústik Qazaqstan oblysy Vozvy­shenko orta mektebiniń dırektory, ulty nemis, balalarǵa qazaq tili men ádebıetinen sabaq beretini joǵaryda aıtylǵan Irına Sedova osy kezdesýde Elbasy Nursultan Nazarbaevqa dombyra syılady. – Bizdi alys-alys aýyldardan, elimizdiń túkpir-túkpirinen shaqyryp, osyndaı shýaqty kezdesý uıymdastyrǵanyńyz úshin Sizge alǵysym sheksiz. Bul – biz úshin umytylmas tarıhı oqıǵa! Qurmetti Nursultan Ábishuly, meniń qazaq tilin bilýim taǵdyryma erekshe áser etti. Qazir­gi tańda ózim bilim alǵan mekteptiń dırek­torymyn ári sonda qazaq tili men ádebıetinen sabaq beremin. Endi aǵylshyn tilin úırenip júrmin. Memlekettik tildi bilý árbir azamattyń paryzy desek, ózge tildi bilý óziń úshin kerek. Sondyqtan Siz­diń úsh tildi bilim berý týraly basta­mańyz­dy qoldaımyn. Asa qurmetti El­basy! Qazaqtyń sharshaǵanyn basatyn da, jan saraıyn ashatyn da – qasıetti dom­byra. Sizdiń dombyrany jaqsy tarta­ty­ny­ńyzdy bárimiz de bilemiz. Men sizge 9 per­nesine Qazaqstandaǵy 9 mıllıon áıel­diń ózińizge degen yqylasy syıatyn dom­byra syılaǵym keledi, – dedi Irına Sedova. – Memlekettik tildi bilesiń, orys tilin bilesiń. О́zińniń ana tiliń – nemis tilin de bilesiń. Jaraısyń!– degen Elbasy syıǵa tartqan dombyrany qabyl alyp, bir-eki ret shertip te kórdi. «Aqynǵa qara sózden óleń ońaı» degen qyzylordalyq aqyn Tolqyn Qabylsha el Prezıdentine arnalǵan óleńin oqyp berdi. – О́zińiz Alashtyń anasyna balaǵan Syr ólkesiniń, qasıetti Qyzylorda hal­qy­nyń ystyq sálemin ala keldim. Búgin­gideı shýaqty merekede júzdesý, dıdar-ǵanıbet bolý biz úshin aıryqsha mártebe, zor qýanysh dep bilemin. Ruqsat etseńiz, búgingi aıaýly merekede júrekjardy jyrymdy oqyp bereıin: Jan bolyp óstim ıbaly, jetelep ıgi oı-arman, Otannyń sulý dıdary, nuryna tańnyń boıalǵan. Erke óstim erkin elde men, aıalap azattyǵymdy, Pash ettim barlyq jerge men, jasampaz qazaqtyǵymdy. Armandy sol bir tiledim, aqıqat qylǵan joldasyn, Qazaqtyń árbir júregin, Táýelsiz qylǵan Elbasym, Alyp ta týar anadan, támsildi osy oıǵa aldym. Elbasyn týǵan dara adam, anadan Sizdiń aınaldym. Otandy uly baıtaǵym, kórkeıtken Sizge arysym, Iilip rahmet aıtamyn, urpaǵym úshin, bári úshin, – dedi aqyn qyz. О́z kezeginde Elbasy Tolqyn Qabyl­shaǵa: «Aqyn qyzdarymyzdyń jolymen júrip kele jatyrsyń. Tabysty bol, árýaqytta órkeniń óssin! Shabytyń tası bersin!» –dep tilegin bildirdi. Belgili ánshi Marına Galıskaıa osy kezdesýde qazaqtyń tanymal kompozıtory Beken Jamaqaevtyń «Mahabbat valsi» atty tanymal ánin shyrqap berdi. Memleket basshysy ánshi qyzdyń ónerine rıza bolyp, taǵy bir án oryndaýyn ótindi. Marına da Prezıdenttiń ótinishin qabyl alyp, taǵy bir án oryndady. Osy kezdesýde Memleket basshysy kóp balaly ana, «Kúmis alqa» ıegeri Ok­sana Muqashevany arýlar mereke­si­men qut­tyqtap, «Altyn alqamen» mara­pat­ta­dy. Oksana Anatolevna Muqa­sheva Se­­meı qalasyndaǵy emhanada med­bıke bo­­lyp jumys isteıdi. Serik Mu­qashev esim­­di ulty qazaq azamatyna tur­mys­qa shyq­­qan. Muqashevtar otbasy bala­lary­nyń al­dy búginde oqý ozaty, karate keoký­shın­kaı syndy sport túrinen oblys­tyq, respýb­lıkalyq jarystarda top jaryp júr eken. – Bar bolǵany 38 jasta, «Batyr ana» ataǵynyń ıegeri. Tórt ul, úsh qyzdy tárbıelep otyr. «Altyn alqany» úlken yqylaspen tabystaımyn,– dedi Elbasy Nursultan Nazarbaev. Kóktemmen ilesip kelgen arýlar mere­kesinde ár salada eńbegimen elenip, eldiń damýyna súbeli úles qosyp júrgen názik jandylarmen júzdesken Elbasy olarmen emen-jarqyn áńgimelesip, elimizdiń bar­lyq áıelder qaýymyna tilegin aıtty. Júz­de­sýge qatysqan arýlar da osy kez­de­sý úshin Memleket basshysyna alǵys­ta­ryn jetkizdi. О́zderiniń kásibı jáne kún­­de­likti ómirdegi jetistikterimen bólis­ti. Kez­desý sońynda Prezıdent arýlarǵa Aqor­da ǵımaratyn aralatyp, ekskýrsııa júrgizdi. * * * Aqordadaǵy saltanatty sharadan keıin jyldaǵy dástúrmen Astanadaǵy «Qazaqstan» ortalyq konsert zalynda 8 naýryz Halyqaralyq áıelder kúnine arnalǵan merekelik konsert ótti. Aq jaýlyqty analar men qyrmyzydaı qyz-kelinshekterdiń qurmetine arnalatyn osy konsert mol áserge, mahabbat pen shapaǵatqa, meıirim men shýaqqa toly bola­tynyn kózimiz kórip júr. Bul joly da áıel­der kúni merekesine arnalǵan bas­ty kon­sert Elbasy N.Nazarbaevtyń qatysýymen ótti. Nebary bir saǵatqa jýyq ýaqytqa sozyl­ǵa­nymen, kórermender saltanatty baǵ­­dar­lamanyń kýási boldy. Olar balalar­dyń analaryna arnaǵan júrek syrlaryna eljiredi, otandyq ónerpazdardyń zamanaýı jáne dástúrli ánderi men operany da súısine tyńdady. Sharada Súndet Baı­­ǵojın, Altynaı Jorabaeva, Qaraqat Ábil­dına, Aıqyn Tólepbergen, «Jigitter» toby jáne ta­ny­mal ánshiler men bı ujymdary ásem án men bıden shashý shashty. Aıta kete­ıik, «Álemniń jaryǵy» degen atpen uıym­das­tyryl­ǵan konsertke osy kúni Aqordada Pre­zı­denttiń qabyldaýynda bolǵan, qo­ǵam­dyq ómirdiń ár salasynda tabysty qyz­met at­qaryp júrgen 18 qyz-kelinshek qatysty. Arnur ASQAR, Aıgúl SEIILOVA, «Egemen Qazaqstan» Sýretter Prezıdenttiń baspasóz qyzmetinen alyndy  

Lebizder legi

О́te tamasha atmosferada ótken maǵynaly, mazmundy ári kóńildi kezdesý boldy. Prezıdent bala­­larǵa qamqorlyq jasaý­ǵa erekshe toqtal­dy. Sebebi, bizdiń atqaryp jatqan jumystary­myzdyń barlyǵy balalar úshin, keleshek urpaqtyń ıgiligi úshin jasalýda. Sol úshin Elbasyna kóp rahmet! Maǵan Prezıdent tarapynan balalardyń quqyn qorǵaýǵa qatysty kóptegen tapsyrmalar berildi. Shynynda da, búgingi tańda baldyrǵandarǵa qatysty sheshilýge tıisti máseleler az emes. О́kiletti ókil retinde, barlyq saıası erik-jiger men barlyq qurylymdardyń múmkindikteri búldirshinderdi qorǵaýǵa, olardyń jaǵdaıyn jaqsartýǵa jumsalyp jatyr dep aıta alamyn. Bolashaqta bizdiń elimiz birinshi kezekke balalardyń quqyn qorǵaýdy qoıatyn memleket bolady dep oılaımyn. Zaǵıpa BALIEVA, Parlament Májilisiniń depýtaty, Bala quqyqtary jónindegi ýákil Parashıýtpen alǵash sekirgennen góri, ekinshi ret sekirý qıyn boldy. Sebebi, alǵash sekiretin kezde kóp oılanbaısyń. Ekinshi ret sekiretin kezde qorqynysh kúshtirek bolady, meniń tizem dirildep ketkenin de moıyndaımyn. Ushý qurylǵysynyń bortynan sonshama bıikten óz erkińmen sekirý kim-kimge bolsa da ońaı tımeıdi. Biraq, búgin men parashıýtpen sekirýge qaraǵanda, Prezıdentpen kezdesý qıynyraq ekenin túsindim. Bul – meniń ómirimdegi eń tolqynysty sát. Qýanyshtan kózime jas keldi. Rımma RAMAZANOVA, Qazaqstan Respýb­lıkasy Qarýly Kúshteriniń Parashıýtpen sekirýge daıyndaý ortalyǵynyń aǵa mamany Osy kezdesýge qa­tysqanyma, el Pre­zı­dentiniń aldynda án shyr­qaǵanyma óte qýa­nysh­tymyn. Mundaı múm­kindik ómirde bir-aq ret berilýi múmkin. Sondaı múm­kindik maǵan berilgenine qalaı qýanbaıyn?! Belgili kompozıtor Beken Jamaqaevtyń ánin oryndaýǵa aldyn ala daıyndalǵanmyn. Biraq báribir búgin erekshe tolqydym. Ándi Prezıdent te, kezdesýge qatysqan basqalar da jaqsy qabyldaǵan sııaqty. Ekinshi ánim tym salmaqtylaý sekildi kórindi, biraq ol da unady ǵoı dep úmittenemin. О́zimdi baqytty sezinip turmyn. Meni tárbıelep ósirgen, oqytqan, ónerime qoldaý kórsetken jandarǵa rahmet! Búgingi kezdesýge shaqyrǵan jandarǵa da alǵysym sheksiz! Marına GALISKAIа, ánshi О́z basym búgingi kez­desýden qatty áser­lendim. Prezıdent elimizdiń damý barysynda analar men balalarǵa jasalyp jat­qan memlekettik qoldaý­lar, qoǵamdaǵy áıelder qaýymynyń rólin arttyrý týraly baıandady. Búgingi kezdesýge qatysyp, Elbasymen júzdeskenim úshin óte qýanyshtymyn. Merekege oraı, Qazaqstandaǵy barsha áıelder qaýymyna myqty densaýlyq, sarqylmas qýanysh, mol baqyt tileımin! Ár otbasynda tatýlyq, qaıyrymdylyq, molshylyq bolsyn! Mádına ÁBILQASYMOVA, Ulttyq ekonomıka vıse-mınıstri Sýretterdi túsirgen Erlan OMAROV, «Egemen Qazaqstan»