Aýylda kásipker áıelder azaıyp, qalada kóbeıip jatyr

2015 jyly ózin ózi jumyspen qamtýdy qazaqtardyń azaıǵanynan keıin 2016 jyly halyq jeke is ashýǵa qaıta bet bura bastady. О́tken jyldyń qorytyndysy boıynsha, ózin ózi ǵana emes, sonymen qatar ózgelerdi de jumyspen qamtyp otyrǵan áıelder sany 31 myńnan asty. Bul aldyńǵy jylmen salystyrǵanda 4 paıyzǵa artyq. Esterińizge sala keteıik, 2015 jyly eldegi jumyspen qamtýshy áıelder sany 35 paıyzǵa quldyrap ketken edi. Jeke negizde jemisti eńbek etip otyrǵan áıelder sany ótken jyly bes paıyzǵa artty. Al onyń aldyńǵy jyly bul kórsetkish eki paıyzǵa tómendegen bolatyn. Sońǵy eki jylda jusmyspen qamtýshy áıelder sanynyń qurylymy ózgerdi. 2015 jyly bul sanattaǵy áıelderdiń ishinde aýyl áıelderi kóp bosla (55 paıyz), byltyr qala áıelderi jeke kásipke kóbirek bet bura bastaǵany baıqaldy. Naqtyraq aıtar bolsaq, ótken jyldyń qorytyndysy boıynsha, ózgelerdi jumyspen qamtyp otyrǵan isker áıelder sany aýyldyq jerde 13 myń bolsa, qalada bul kórsetkish 18 myńdy quraıdy. Iаǵnı, bir jylda qaladaǵy isker áıelder sany 12 paıyzǵa artsa, aýyldaǵy áıelder 6 paıyzǵa azaıdy. Jalpy, elde qazir “Damý” KQQ” AQ arqyly 10 bank kásipkerlerge nesıe beredi. Sonyń ishinde 9 banktiń arnaıy áıelder kásipkerligine arnalǵan baǵdarlamalary bar. “Damý” qorynyń sharty mynadaı: Tıimdi jyldyq syıaqy quny 14 paıyz. Nesıe kólemi 30 000 000 teńgege deıin. Merzimi aınalymdaǵy qarjyny toltyrýǵa 36 aıǵa deıin, al negizgi qarjyny ıemdený men jańǵyrtýǵa 60 aıǵa deıin. ShOB-ty qarjylandyratyn bankterdiń ortasha paıyzdyq mólsherlemesi 17,6 paıyzdan bastalady.