Soǵys taýqymetin tartqan analar

Zenıttik polktiń erjúrek jaý­yngeri bola bilgen Valentına Ma­zýrova osynaý aıtýly mereke qar­sańynda óz úıine oblys áki­miniń orynbasary Nurlan Núr­kenov pen ishki saıasat bas­qar­­­masynyń basshysy Aına Mýs­ra­lımova syı-sııapattary men qut­tyqtaýlaryn alyp, kirip ke­le­di dep oılamasa kerek. Bıısk qa­­­lasynan áskerge shaqyrtylǵan keı­­ýana Ekinshi Ýkraına maıda­nyn­da erligimen kózge tústi. So­­nyń jarqyn dáleli retinde onyń keýdesinde Uly Otan so­ǵysy or­de­ni men «Germanııany jeń­ge­ni úshin» medali jar­qy­raı­dy. Soǵystan keıin, ıaǵnı 1948 jy­ly Qazaqstanǵa, sonyń ishin­de Kókshetaý qalasyna ke­lip Tur­­mystyq hımııa fab­rı­­ka­sy­na aǵa sheber bolyp ju­mys­qa qa­byldanady. Osy kúni 1927 jy­ly Zerendi aýdany Qor­saq po­selkesinde ómirge kel­gen tyl eń­bekkeri Dámel Mahmetovaǵa da syı-sııapat pen quttyqtaý jet­kizildi. On tórt jasynda so­ǵys­tyń taýqymetin sezingen jas qyz 16 jasynda traktorǵa oty­rý­ǵa májbúr bolady. «Sheshem bar jan-tánimen jumys isteıtin, se­bebi, sol aýyr soǵys jyldary bar­­lyǵynyń oıynda bir maqsat – bas­­qynshy fashısterdi jeńip, Otan­ǵa beıbit ómirdi qaıtarý», deı­­di qyzy Shárbaný Mahmetova. О́n­diristik jaraqatynan keıin Dá­mel apa jumysyn aýystyryp, Kókshetaý qalasyndaǵy tigin fabrıkasynda uzaq jyldar eńbek etip, sol jerden zeınet demalysyna shyqqan. Dámel apa jubaıy Temirtas Mahmetovpen birge segiz bala tárbıelep ósirgendigin de aıta ketken jón. Asqar TURAPBAIULY, «Egemen Qazaqstan» Aqmola oblysy