Ulybrıtanııanyń qarjy mınıstri Fılıp Hemmond parlamentke el bıýdjetin tanystyrdy. Bul bıýdjet ótken jyldyń shildesindegi referendýmnyń "Breksıt" sheshiminen keıingi alǵashqy bıýdjettik josparlaý, dep jazady BBC.
Mınıstr optımıstik boljamǵa toly baıandamasyn oqydy. Onda eldiń ekonomıkasy kútkendegiden qarqyndy ósetini aıtylǵan.
Hemmondtyń aıtýynsha, qarqyndy ekonomıka "breksıt" boıynsha kelissózderge qýatty jáne turaqty platforma usynady.
Aıta keterligi, endi eldiń Lıssabon kelisiminiń 50-babyna saı Odaqtan shyqqanyna deıin bıýdjet jobasy qaralmaıdy. Endigi bıýdjet tek eldiń odaqtan shyǵyp ketkeninen keıin daıyndalady.
О́z sóziniń basynda Hemmond brıtandyq ekonomıkanyń kúmánmen qaraýshylardyń aýzyna qum quıǵanyn aıtty.
Onyń aıtýynsha, bıyl IJО́ 2 paıyzǵa óspek. Al osynyń aldynda sarapshylar ósimdi 1,4 paıyz dep boljaǵan edi.
