Chempıondar lıgasy. «Borýssııa» «Benfıkany» oısyrata jeńdi (vıdeo)

Chempıondar lıgasy 1/8 fınalynyń ekinshi kezdesýinde Dortmýndtyń «Borýssııasy» «Benfıka» komandasyn qabyldap, 4:0 esebimen oısyrata jeńdi. Oıyn bastala sala alań ıeleri birden shabýylǵa shyǵyp, nátıjesinde 4-mınýtta esep ashyp úlgerdi. Per-Emerık Obameıang buryshtamadan kóterilgen doptan keıin, dál soqqy baǵyttap, «Borýssııany» alǵa shyǵardy. Kezdesýdiń ekinshi taımy nemis komandasy úshin sátti ótti. 59-mınýtta Krıstıan Pýlıshıch ekinshi goldy salyp, komandasyn qos kezdesýdiń qorytyndysy boıynsha alǵa shyǵarsa, arada eki mınýt óter-ótpes, Obameıang dýbl ıesi atandy. Al negizgi ýaqyttyń aıaqtalýyna bes mınýt qalǵanda dál osy gabonalyq oıynshy óziniń úshinshi dobyn soqty. Aıta keteıik, alǵashqy oıynda dortmýndyqtar 0:1 esebimen utylǵan bolatyn. Qos matchtyń qorytyndysy boıynsha 4:1 esebimen basym túsip, shırek fınalǵa joldama aldy.