Tigilgen kıiz úılerdiń ishinen Shákárim ýnıversıtetiniń «Shákárim» kıiz úıi úzdik atanyp, al «Sement zaýytynyń» jumysshylary tikken úı úlgili ataǵyn ıelendi. Júlde ıeleri «Ekspo 2017» halyqaralyq kórmesin tamashalaýǵa arnalǵan arnaıy bılettermen, baǵaly syılyqtarmen jáne alǵys hattarmen marapattaldy.
Sondaı-aq, osynaý berekeli kúni Shyǵys Qazaqstan oblysynyń Úrjar aýdanynda qazaqtyń qas batyry, daraboz qolbasshy Qarakereı Qabanbaı batyrdyń eskertkishi ashyldy. Ǵylymı-tájirıbelik konferensııa ótti. Bıyl úrjarlyqtar – Qabanbaı batyrdyń 325 jyldyǵyn atap ótpekshi.
Úrjarda ótken konferensııada Qabanbaı batyrdyń erliginen basqa Qytaımen eki ortadaǵy dıplomatııalyq qaıratkerligi jaıly da aıtyldy. Úrjar aýdanynyń ákimi Serik Zaınýldın, aladǵy ýaqytta Alakóldiń jaǵdaıyn jóndeımiz, ony el ıgiligine saı usynamyz dep otyr. О́tken jyly Alakólge shet jaqtan 250 myń týrıst kelgen. Alakóldi jóndeýge oblystyq bıýdjetten 500 mıllıon teńge aqsha bólinipti.
Raýshan Nuǵymanbekova, Shyǵys Qazaqstan oblysy, sýretterdi túsirgen avtor.
