Kelissóz barysynda taraptar eki el arasyndaǵy yntymaqtastyqtyń qazirgi ahýaly men ony budan ári damytý jaıyn talqylady. Atap aıtqanda, saýda-ekonomıka, qarjy jáne ınvestısııa salalaryndaǵy ózara is-qımyl máseleleri qaraldy.
Memleket basshysy Dýbaı halyqaralyq qarjy ortalyǵy (DIFC) men Dýbaı qalasynyń qarqyndy damyp kele jatqanyn atap ótti.
Nursultan Nazarbaev qarjy ortalyǵyn tıimdi basqarý turǵysynan Birikken Arab Ámirlikterimen tájirıbe almasýdyń mańyzdylyǵyna, sondaı-aq DIFC pen Astana halyqaralyq qarjy ortalyǵy arasynda tyǵyz qarym-qatynas ornatý qajettigine toqtaldy. Dýbaı ámirliginiń bıleýshisi bul baǵytta is-qımyl ornatýǵa tolyq daıyn ekenin jetkizdi.
Qazaqstan Prezıdenti ıslamdyq qarjylandyrý isin damytyp, ony engizýge aıryqsha úles qosqany úshin sheıhqa alǵys bildirdi.
Budan bólek, Memleket basshysy «EKSPO-2017» halyqaralyq mamandandyrylǵan kórmesine daıyndyqtyń aıaqtalǵanyn, keıinnen kórme nysandary Astana halyqaralyq qarjy ortalyǵynyń jumysy úshin paıdalanylatynyn aıtty.
Kezdesý sońynda Nursultan Nazarbaev Birikken Arab Ámirlikteriniń Premer-Mınıstrin Astanadaǵy «EKSPO-2017» kórmesiniń ashylýyna shaqyrdy.
