«Alpamys» alǵa basýdy qalaıdy

Qostanaı qalasyndaǵy «Al­pamys» aksıonerlik qoǵamy elimizdegi aıaq kıim shyǵaratyn bir­den-bir kásiporyn. Keńes Odaǵy kezinde de sanaýlylar qatarynda  bolatyn. Qazir elimizdiń Qarýly Kúshteri men áleýettik organdar­dyń barlyǵyn  qysqy-jazǵy  aıaq kıim túrlerimen qamtamasyz etip otyr. Jaqynda  osynda «Nur Otan» HDP Qostanaı qalalyq fılıalynyń  ókilderi jáne jýrnalıster keldi. Olardy kásip­oryn dırektory Almagúl Sáýde­nova fabrıkanyń basty sehyna bastady. Stanoktar qaz-qatar tizilgen atshaptyrym sehta jumys­shylar men partııa ókilderiniń ádet­tegiden erekshe basqosýy ótti. Kásiporynnyń irgesi 1941 jy­ly, Keńes odaǵyna fashıstik  Germanııa tutqıyldan soǵys bastaǵan kezde  qalandy. Anyǵyn  aıtqanda, Reseı men Ýkraınanyń soǵys órtinen qaýiptengen aımaq­taryndaǵy  mańyzy zor  zaýyt pen fabrıkalar Qazaqstanǵa kóshirilgen bolatyn.  Qostanaı aıaq kıim fabrıkasynyń  tarıhy men taǵdyry  HH ǵasyrdy titirentken soǵyspen tikeleı baıla­nysty. Sodan beri 70 jyl ýaqyt ótti. Munda  uzaq jyldar boıy qalyptasqan jumys ujymynyń eńbek dástúri osy kúnge  deıin saqtalǵan. Qazir kásiporynda 380 adam jumys isteıdi. Al jospar­dy shuǵyl oryndaý kerek bolǵan jaǵdaıda jumysshylar­dyń sany 700-ge deıin baryp jyǵylady.  Aıaq kıim fabrıkasynda osy kezge deıin saqtalyp otyrǵan dástúrdiń biri – eńbek áýletteri.  Svetlana Krevospıskaıa osynda  16 jasynda kelgen bolatyn. Bolashaq jarymen de  fabrıka  sehynda tanysty. Svetlananyń enesi de, qaıyn apasy da  osy sehta jumys isteıdi eken. Mine, qazir uly Sergeı de ata-ana­synyń, ájesiniń  izimen  aıaq kıim fabrıkasyna keldi. Ol da  kelinshegimen osy fabrıkada tanysty, búginde  Svetlananyń kishkentaı  nemeresi ósip jatyr.  Kásip­orynda  eńbek ótili qyryq jyldan asqandar jıi kezdesedi. Sonyń biri, bas ınjener Anna Bega hanym. – Instıtýtty bitirgen soń osynda kelgenmin, mine, ýaqyt qalaı ózgerse de ekinshi úıim bolyp sanalatyn fabrıkadan esh­qaıda ketpedim, sýyǵyna to­ńyp, ystyǵyna  kúıip kelemin. Biz bir atanyń balalary sııaq­tymyz, eńbek demalysynan ju­mys ornymyzdy saǵynyp ora­lamyz. Qazir búkil fabrıka bir-aq tynyspen, bir oımen ǵana  jumys isteıdi. Ol – otandyq buıymdarǵa  tutynýshylardyń na­zaryn aýdarý,  suranymdy kó­beıtý, – deıdi  Anna Vladımırovna. Almagúl Qasymqyzy taǵy birneshe ju­mysshyny ortaǵa shaqyrdy.  «Biz­­diń fabrıka  ujy­mynda eńbek­súı­gishtikpen qatar, naǵyz dos­tyqtyń,  patrıottyq sezimniń saltanat quratynyn osydan-aq bilýge bolady», dep nyqtap qoıdy basshy Valentına Passıkti arqasynan qaǵyp  tu­ryp. Odan ári  Valentına Alekseevna ózi týraly aıtyp ketti. – Osy ujymda jas  kúnimnen  beri jumysshy bolyp isteımin. 90-shy jyldary  Qazaqstandy mekendegen  ózge ulttardyń tarıhı otanyna  kóshýi  etek alǵan bolatyn. Ýaqyt ta aýyr edi. Meniń úlken ulym Belorýssııaǵa kóshti, men de  balalarymnan qalmaı qonys aýdardym. Alaıda, meni  týǵan qalama, fabrıkama degen saǵynysh  tarıhı otanyma  turaqtatpady. Sonymen 2006 jyly Qostanaıǵa qydyryp keldim de,  birneshe kúnnen keıin ulyma  telefon shaldym. «Ulym, keshir, men Qostanaıda qalamyn, bara almaımyn» dedim. Týǵan fabrıkama kelip, Almagúl Qasym­qyzyna «meni qaıta jumysqa alasyz ba?» degende, dırektor: «Sizdi týǵan ujymyńyzdan aıy­rýǵa meniń adamgershilik quqym joq» dep jaýap berdi, – dep aǵy­nan jarylyp áńgime aıtty Valentına Alekseevna. Jaqynda osyndaı uıyp otyr­ǵan jumysshy ujymynda  «Nur Otan» halyqtyq-demokra­tııalyq partııasynyń bastaýysh uıymyn quraıyq degen bastama kóterildi. Qazir  adamdardyń bar­lyǵy da aqparattan kende emes. «Nur Otan» partııasynyń  belsendi qımylyn barlyǵy da biledi. Sonymen onyń qataryna ótýge  aryz  bergender qatary kóbeıdi. Partııanyń Qostanaı qalalyq fılıalynyń tóraıymy  Rımma Bekturǵanova  múshelik bıletterin tabys etti. – Partııa lıderi Nursultan Nazarbaev kezekten tys HIII sezde údemeli ındýstrııalyq-ın­novasııalyq damý baǵdar­lamasy týraly aıtty.  Bul baǵdarlama on jylǵa arnalǵan.  Sizder Qazaqstan ekonomıkasyn da­mytý úshin osy baǵdarlamaǵa úles qosasyzdar. Sondyqtan partııa qatarynda bolý úshin óte oń sheshim qabyldadyńyzdar,–dedi Rımma Shyńǵysqyzy. – Bıyl oblysta osy baǵdarlama  sheńberinde 11 joba qolǵa aly­nyp otyr. Olarda 9 myń  qos­tanaılyq  jumys ornyn taba­tyn bolady. Qala kórkeıip keledi. Aýylda da alǵa um­tylý­shylyq bar. Bir adamnyń múmkindigi barlyǵyna birdeı jetpeıdi,  al biz Kóshbasshynyń sońynan ergende, onyń bas­tamalaryn qoldaǵanda ǵana damý jolynan adaspaımyz. Almagúl Saýdenovanyń  aı­týynsha, Qazaqstandaǵy  jeńil ónerkásip salasynda «Alpa­mys» aıaq kıim fabrıkasy sııaqty iri kásiporyndar sırep ketken. Munda  óndiristik  jab­dyqtar, stanoktar da,  zamanaýı jańa tehnologııalar da bar. Alaıda, tender kezinde  aıaq kıimdi ózderi sııaqty taza teriden tikpeıtin,  syrttan satyp ala­tyn fırmalardyń  básekelesip, kıligetini renjitedi eken. – Bizdiń  etikter de, báteń­keler de, jazǵy týflıler de taza teriden tigiledi. Biz jasandy terimen jumys istemeımiz.  О́ıtkeni, bizdiń daıyndaǵan aıaq kıimdi eldi qorǵap turǵan sarbazdar – balalarymyz kıedi  ǵoı, – deıdi Almagúl Qasym­qyzy. Partııa bıletin alǵan sátte sóz sóılegen jumysshylar ká­sip­orynnyń tender saıyn jeńiske jetýin tilep otyra­tynyn aıtty. Al suranym bolý úshin olar jumysty barynsha adal, sapaly atqarýǵa tıisti eken. «Biz kásiporyn basshy­lyǵymen bir kemedemiz. Sura­nym bolsa – jumys bolady, jumys bolsa – jalaqy kóbeıe­di, jalaqy – ár otbasynyń náp­aqasy» deıdi olar. Judyryqtaı jumylǵan  eńbek ujymy saılaýǵa da bir kisideı baryp qatysty. Olar óz tańdaýyn jasady.  Jaqyn kún­derde  fabrıkadaǵy  «Nur Otan» HDP bastaýysh uıymy iske kirispek. Elbasynyń jeńi­sin olar óz jeńisimiz dep  qýa­nyp jatty. О́ıtkeni, nurotan­dyqtarǵa Elbasy  bir taban jaqynyraq. Názıra JÁRIMBETOVA. Qostanaı.