Ákim Ulttyq kásipkerler palatasymen birlesip dúken ashýdyń naqty talaptaryn jasaý boıynsha arnaıy komıssııa qurýdy usynýda.
"Germanııaǵa barǵan qazaq kásipkerine qazaq dámhanasyn ashýǵa ruqsat beripti de, qytaı ashanasyna ruqsat bermepti. О́ıtkeni ol aýdanda qytaı dámhanasy bolǵan. Jergilikti bılik osylaı josparly jumys isteıdi", - dep mysal keltirdi qala basshysy.
"Bizde dúńgirshekter jańbyrdan keıingi sańyraýqulaqtaı qaptap ketti. Statıstıka boıynsha 900, al shyn máninde birneshe ese kóp. Olar esep bermeıdi. Sonyń ishindegi 500 dúńgirshekte eshqandaı qujat ta joq. Olardy ne isteý kerek? Biz zańdy jumys istep jatqandarǵa basymdyq beremiz. Astanadaǵy sııaqty ádemi dúńgirshekter salý kerek. Qujat boıynsha bári durys. Biraq salqyn zerdemen oılasańyz aqylǵa qonbaıdy. Joldyń ortasynda turyp alyp kisi ótetip jerlerdi jaýyp tastaǵan. Aldymen tártip ornatý kerek", - dedi ákim.
О́z sózinde Baýyrjan Baıbek ár qalanyń óz erekshelikteri bar ekenin aıtty.
"Astanada úı kóp salynyp jatyr, dúken jetispeıdi. Bul Astananyń máselesi. Kópshiliktiń aıtýynsha, oń jaǵalaý yńǵaıly. Al sol jaǵalaýda qurylys júrip jatyr. Sol jaqqa dúken jetispeıdi. Týrısterli tartý úshin qala ádemi jáne yńǵaıly boýly kerek. Halyqaralyq standarttarǵa saı bolǵany durys. Biz vokzaldar men áýejaı mańyn da bazarǵa aınaldyryp jiberdik", - dedi ákim.
Ákimniń aıtýynsha, birińǵaı standart daıyndalǵannan keıin kerek emes dúkenderdi súrýdi halyq ta qoldaýy tıis. Sonymen qatar ákim orynsyz jerge salynǵan bazarlardy da súrip tastaý kerektigin aıtty.
