Amerıkalyq memlekettik basqarý qoǵamynyń (ASPA) konferensııasy aıasynda Atlantada (AQSh) «Memlekettik qyzmetti jetildirý maqsatyndaǵy áriptestik: Astanadaǵy memlekettik qyzmet salasyndaǵy О́ńirlik Habqa qatysýshy elderdegi úrdister» atty arnaıy sessııa ótti.
Qatysýshylarǵa Astanadaǵy memlekettik qyzmet salasyndaǵy О́ńirlik habtyń basqarýshy komıteti tóraǵasy Alıhan Baımenov pen ASPA prezıdenti Djenıs Lachans lebizderin bildirdi. Sessııany asha otyryp, Alıhan Baımenov Habqa qatysýshy-elderdiń memlekettik qyzmetin jetildirýde Amerıkalyq memlekettik basqarý qoǵamymen yntymaqtastyqtyń mańyzyn atap ótti.
«Aımaq elderi damýdyń ózindik jolyn tańdady, óz basymdylyqtaryn belgiledi jáne qazir olar - memlekettik qyzmettiń ár túrli deńgeıinde. Olardaǵy reformalar barysy mádenı-tarıhı jáne áleýmettik-ekonomıkalyq kontekst arqyly, ári saıası jigerdiń bolýymen anyqtalady. Soǵan qaramastan, bul elderde zamanaýı memlekettik qyzmet qurý boıynsha ortaq umtylys bar», - dedi Alıhan Baımenov.
Ortalyq Azııa men Kavkaz elderi memlekettik qyzmet júıesindegi negizgi úrdister jaıynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi apparat jetekshisi Saıan Ahmetjanov, Ázirbaıjannyń Memlekettik emtıhan ortalyǵy dırektory Vafadar Mısırov, Grýzııanyń memlekettik qyzmet Bıýrosynyń dırektory orynbasary Maıa Dvalıshvılı, Qyrǵyzstan Prezıdenti janyndaǵy Memlekettik qyzmet akademııasy rektory Almaz Nasyrov baıandady. Al memlekettik qyzmettegi jańashyl baǵyttar, onyń ishinde tıimdi, ashyq jáne esep beretin memlekettik qyzmetti qalyptastyrýdy kózdeıtin elektrondy basqarýdy engizý boıynsha Estonııanyń elektrondy basqarý Akademııasy ókili Hannes Astok óz eliniń tájirıbesimen bólisti.
Barlyq qatysýshylar aımaqta memleketti qyzmetti damytý boıynsha áriptestiktiń mańyzy men tájirıbe jáne bilim almasýdyń tıimdi tuǵyrnamasyna aınalǵan Habtyń biregeı rólin atap ótti. Aımaq elderindegi memlekettik qyzmet júıesindegi transformasııalyq ózgerister týraly talqylaýlarǵa TMD, Kavkaz jáne Ortalyq Azııa elderindegi memlekettik organdar, oqý oryndary, halyqaralyq uıymdar ókilderi – sarapshylar men praktıkter qatysty. Habqa qatysýshy elderdegi memleketti basqarýdy damytý boıynsha Ońtústik Kalıfornııa ýnıversıtetiniń qurmetti professory Chester Nıýland, ASPA burynǵy prezıdenti Stıv Kondrı, Nıý-Iorktiń Qalalyq ýnıversıteti professory Demetrıos Argırıades, ORM janyndaǵy AQSh-tyń joǵarǵy memlekettik qyzmetkerleriniń biliktiligin arttyrý Federaldy ınstıtýty dırektory Fletcher Honımýnd sııaqty memlekettik basqarý salasyndaǵy jetekshi ǵalymdar men sarapshylar pikir almasty. Sonymen birge memlekettik qyzmetti damytýdaǵy Habtyń aıryqsha róline ASPA Halyqaralyq Assambleıasy qatysýshylary da toqtaldy. Memlekettik basqarý boıynsha halyqaralyq tájirıbege arnalǵan Assambleıa sessııasyna Hab ókilderi óz oılaryn ortaǵa saldy.
