Qazaqstannyń avtobıznes qaýymdastyǵynyń málimetine sáıkes, qańtar-aqpan aılarynda ótken jyldyń osy kezeńimen salystyrǵanda jańa kólikterdi satyp alý kólemi 34 paıyzǵa artty, dep habarlaıdy QazAqparat.
Osy oraıda qazaqstandyqtardyń jol talǵamaıtyn kólikterdi kóptep ala bastaǵanyn erekshe atap ótken jón. Máselen, qańtar-aqpan aılarynda osy sanattaǵy kólikterdiń 752 danasy (45,5 paıyz) satyldy. Odan keıin jeńil avtomobılder (646 dana, 39,1 paıyz) keledi. Al úshinshi orynda - júk mashınalary, traktorlar men avtobýstar sııaqty kommersııalyq tehnıka (LCV).
Atalǵan kólikterdiń eki aılyq saýdasy 150 danaǵa jetken. О́tken jyly eki aıda ol kórsetkish 30 danadan aspaǵan.
«Otandyq kólikterdiń saýdasyna jeńildetilgen nesıelendirý baǵdarlamasy ońtaıly áser etti. Qazaqstannyń kólik salasyn qoldaýdyń osy bir sharasy óz tıimdiligin kórsetti. Halyq otandyq avtomobılderdi jıi ala bastady. Sebebi kólikti 4 paıyzdyq nesıemen satyp alýǵa múmkindik bar», - deıdi Qazaqstannyń avtobıznes qaýymdastyǵynyń sarapshylary.
