Kásiporynda ıogýrttan bastap, shokolodqa deıingi sút óniminiń 30 ataýyn shyǵarý jolǵa qoıylǵan. Taǵamnyń bári densaýlyqqa paıdaly bıe sútiniń negizinde jasalǵan. Osyndaı jolmen Qazaq taǵamtaný akademııasynyń basshysy salamatty ómir saltyn nasıhattaýda.
«Nur Otan» partııasy Tóraǵasynyń birinshi orynbasary akademıktiń bastamasyna qoldaý bildirip, Memleket basshysynyń Joldaýyn júzege asyrýǵa bizdiń ǵalymdardyń belsene atsalysýy kerek ekenine toqtaldy.
«Elimizdiń jasy men kárisiniń bári de jaqsy biletin akademık Sharmanovtyń jetistikteri – osynyń jarqyn mysaly. El aǵasy atana bastaǵan jasyna qaramastan, belgili ǵalym joǵary sapaly ónim shyǵarýdy jolǵa qoıdy jáne balalar taǵamynyń ekologııalyq taza ónim óte mańyzdy», − dep atap ótti Muhtar Qul-Muhammed.
О́z kezeginde Tóregeldi Sharmanov kásiporyn shyǵaratyn ónimniń biregeıligin tilge tıek etti. Ol álemde dál osyndaı taǵamnyń joq ekenin málimdedi. «Búgingi tańda biz − qanty joq, zııandy maıy joq osyndaı taǵamdardy shyǵaratyn jalǵyz kásiporynbyz, biz muny ózimizdiń ulttyq brendimiz sanaımyz. Bul el ekonomıkasynyń nyǵaıa túsýine jaǵdaı týǵyzady, ónimimizdi eksporttap, halyqtyń uzaq ómir súrýine septigin tıgizedi, balalarymyzdyń ádemi bolyp ósip, túrli aýrýlardan saqtanýyna múmkindik beredi», − dedi akademık.
«Egemen-aqparat»
