Oral qalasynda ótken alǵashqy tazalyq jumystaryna 4253 qala turǵyny qatysypty. Ártúrli menshiktegi 102 mekeme-ujym qatysqan tazalyq sharalarynyń nátıjesinde shahar kósheleri, Oral-Saratov avtojolynyń boıy, Derkúl, Bortaý aýyldaryndaǵy aınalma joldar mańaıy tazartylǵan.
− Tazalyq aılyǵyn jarııalap, senbilik ótkizý – bizdiń jyl saıynǵy daǵdymyz. О́tken jyly sáýir, mamyr, tamyz, qyrkúıek jáne qazan aılarynda segiz márte senbilik uıymdastyryldy. Oǵan jerlesterimiz belsendi qatysady. Byltyr Ońtústik, Almazov, Nekrasov, Móńkeuly kósheleri men Zashaǵan aýylynda, Eýrazııa dańǵylynda 6746 túp, al Eýrazııa kóshesi men Táýelsizdik kóshesinen Juldyz shaǵyn aýdanyna deıin 500 túp túrli kóshet otyrǵyzyldy. Bıyl da osy isti jalǵastyramyz. Taýyq jyly Oral qalasynda 17 aýlany abattandyrýǵa 500 mln teńge, eki tynymbaqty jóndeýge jáne abattandyrýǵa 160 mln teńge qarajat bólinip otyr, − deıdi Oral qalalyq turǵyn-úı kommýnaldyq sharýashylyq, jolaýshylar tasymaly jáne avtomobıl joldary bóliminiń abattandyrý sektorynyń meńgerýshisi Mıras Múlqaı.
Qazbek QUTTYMURATULY,
«Egemen Qazaqstan»
ORAL
