Pasha merekesimen quttyqtady

Qazaqstan Respýblıkasynyń Prezıdenti Nursultan Nazarbaev barsha qazaqstandyqtardy Pasha merekesimen qut­tyq­tady. Memleket basshysynyń quttyqtaýynda bylaı delingen: Qurmetti qazaqstandyqtar, siz­derdi Pasha jarqyn merekesimen quttyqtaımyn! Búgin ony barsha qazaqstandyqtar atap ótý­de. Qazaqstan – kópetnosty jáne kópkonfessııaly el. Bizdiń basty baılyǵymyz – halyqtar men dinder arasyndaǵy beıbitshilik pen kelisim. Bizde Naýryz, Qur­ban aıt, Rojdestvo, Oraza aıt, Pas­hany birge qarsy alý bu­ryn­nan jaqsy dástúrge aınalǵan. Qa­zaqstan jerinde barlyq etnos­tardyń mádenıeti gúldenýde jáne bir-birin baıyta túsip otyr. Qazaqstan basshysy, sondaı-aq búgingi mereke kúni bizdiń qo­ǵam­daǵy moraldyq qaǵıdalar men otbasylyq qundylyqtardy ny­ǵaı­týdaǵy dinniń zor jasam­paz­dyq rólin atap ótedi. Bizdiń birligimiz tózimdilikke, adamdy súıýge, qaıyrymdylyqqa shaqyratyn joǵary adamgershilik murattarǵa negizdelgen, deıdi Prezıdent. Táýelsizdiktiń 20 jylynda biz­diń birligimiz ben toptas­qan­dy­ǵymyzdyń arqasynda biz ór­kendegen Qazaqstandy qurdyq. Jáne búginde bizdiń respýb­lı­kamyz turaqtylyqtyń, beıbitshilik súıgishtiktiń jáne kelisimniń úlgisi bolyp tabylady. Búkil álem bizdiń elimizdiń órkendegen áleýetin kórýde jáne Qa­zaq­stan­nyń álemdik qoǵamdastyqtaǵy mańyzdy jáne jaýapty rólin moıyndaıdy, deıdi Memleket basshysy. Memleket basshysy, sony­men qatar, bizdiń ortaq pary­zy­myz, Qazaqstandy súıgen árbi­ri­mizdiń paryzymyz – rýhanı jáne mádenı qundy­lyq­tardy saqtaý, elimizde halyq­tyń birligi men turaqtylyqty aıalaı bilý jáne nyǵaıtý ekenin atap kór­se­tedi. Jáne osy jar­qyn mereke kúni barshaǵa myqty densaý­lyq, ıgilik jáne qut-bereke tileıdi. Ár shańy­raqta, bizdiń or­taq úıimiz – Qazaqstan Res­pýb­lıka­synda beı­bitshilik pen ty­nysh­tyq saltanat qur­syn! Me­reke­leri­ńizben, qymbat­ty otan­das­ta­rym!   – deıdi qut­tyqtaýy­nyń so­ńynda Nursul­tan Nazarbaev.