Kezdesý barysynda jeńil relsti kólik jelisin salý jobasy talqylandy.
Natalııa Hanjenkova ótken jyldyń qorytyndysynda álem boıynsha bank bólgen ınvestısııalar kólemi jaǵynan Qazaqstannyń ekinshi oryn alǵandyǵyn atady. Ol Eýropalyq banktiń Almatyda uzaq merzimdi jobalardy júzege asyrýǵa qatysýǵa yntaly jáne qala ákimdigine qoldaý kórsetýge qashanda daıyn ekendikterin jetkizdi.
«Biz Almatyda JRK jelisiniń qurylysyn júrgizýdiń strategııalyq mańyzdy ekenin kórip otyrmyz. Bul joba megapolıstiń áleýmettik jáne ekonomıkalyq damýyna jańa serpilis beretin bolady. Sońǵy birneshe aı ishinde ony qolǵa alýda eleýli alǵajyljýshylyq baıqalady», – dedi EQDB basqarýshy dırektory.
Esterińizge sala keteıik, qazirgi kezde qala ákimdigi JRK uzyndyǵy 22,9 km bolatyn tıimdi qarjy modeliniń tehnıkalyq sheshimderin jasaý ústinde. Joba qala kólik ınfraqurylymyn damytýdyń, keptelis jáne ekologııa máselelerin sheshý men jolaýshy tasymalynyń sapasyn arttyrýdyń bir bóligi bolyp esepteledi.
Aınash Esalı,
«Egemen Qazaqstan»
