QR Memlekettik qyzmet jáne sybaılas jemqorlyqqa qarsy is-qımyl agenttigi Atyraý oblysy boıynsha departamentiniń basshysy Toqtamys Jumaǵulov mundaı top halyqqa sybaılas jemqorlyqtyń aldyn-alý máseleleri boıynsha túsinik berip, elmen tyǵyz qarym-qatynas ornatýdy maqsat etetinin aıtady.
Úgit-nasıhat toby alǵashqy jumysyn Maqat aýdanynan bastady. Maqat, Dossor eldi mekenderindegi ortalyq alańda, saýda oryndarynda, mektepterde jáne balabaqshalarda qoǵam dertine qatysty radıo habarlaý, jadynama taratý sharalary júrgizildi. Mahambet, Inder, Qurmanǵazy, Isataı, Jylyoı aýdandarynda da bul jumystar jalǵasyn taýyp jatyr.
Baqytgúl BABASh,
«Egemen Qazaqstan»
