Qyr astyndaǵy qarbalas

Shýaqty kóktem soltústik óńirge de jetip, qyrdaǵy qarbalas kóbeıe túsken. Dıqandar dala jumystaryn sapaly atqarýǵa tas-túıin kirisken. Kúzgi jaýyn-shashynnyń, qystaǵy qardyń moldyǵy kóńilge qýanysh úmitin uıalatqanymen, tuqymdy qashan jerge sińirgenshe tynym tabar emes. Olar jyldaǵy dástúr boıynsha jaýapty naýqan aldynda keleli mindetterdi anyqtaý, sheshý joldaryn belgileýge arnalǵan jıynǵa qatysýǵa da ýaqyt tapty. Oǵan aýdan ákimderi, iri agroqurylym basshylary shaqyryl­ǵa­nyn estip, «e, báse» desti. Aýyl sharýa­shylyǵy mınıstrliginiń jaýapty hat­shysy Evgenıı Aman bastaǵan basqarma, korporasııa jetekshileri kelgenin jaq­sylyqqa jorydy. Salıqaly basqosý bas­talar aldynda Pogodın orys drama teatry aldynda aýylsharýashylyq teh­nık­alary men Soltústik Qazaqstan aýyl sharýashylyǵy tájirıbe stansasy usyn­ǵan dándi, maıly jáne jemazyqtyq da­qy­ldary kórmesi uıymdastyryldy. Otan­dyq avtomobılder men máshıne jasaý kásiporyndarynyń ónimderi de kórsetildi. Keńeıtilgen keńesti oblys ákimi Serik Bilálov ashyp, El­basy N.Nazarbaevtyń ha­lyqqa arnaǵan Jol­daý­ynda aýyl sharýa­shylyǵyn damytýǵa zor mán berilgenin, eńbek ónimdiligin, mal sharýa­shy­lyǵynyń eksport­tyq áleýetin arttyrý, azyq-túliq qaýipsizdigin qamtamasyz etý basym baǵyttar bolyp qala beretinin atap ótti. «Bı­ylǵy kóktemgi tuqym sebý naýqanyn oıdaǵy­daı atqarýǵa Úkimet ta­ra­pynan jan-jaqty qol­daý kórsetilip otyr. Arzandatylǵan baǵamen dızel maıyn jetkizý, nesıeleý, ósimdik sharýashylyǵyn sýbsıdııalaý sha­ralary sheshim tapty. Qalǵan jumys­tar­dyń oıdaǵydaı atqarylýy ózimizge baı­la­nysty», dedi Serik Sultanǵazyuly. Agroónerkásip keshenin damytý jáne kóktemgi dala jumystaryn ótkizý másele­lerine arnalǵan keńeıtilgen jıynda oblys ákiminiń orynbasary Aıdarbek Saparov baıandama jasap, aldaǵy mindetter jaıly aıtyp berdi. Bıylǵy egistik alqap 4 mıllıon 532 myń gektardy qurap otyr. Onyń ishinde dándi daqyldar – 3,9 mıllıon gektar. Budan tysqary maıly, jem­azyq, dándi-burshaq daqyldaryn kóbeıtý kózdelgen. 2 mıllıon alqapqa qar toq­tatylyp, 3,3 mıllıon gektar jerge ylǵal únemdeý tehnologııasy qoldanylǵan. Qajetti 546 myń tonna tuqym sebý kon­dısııasyna jetkizilgen. Oblystyń agro­ónerkásip keshenin qoldaýǵa 6,6 mıllıard teńge bólinse, 4,8 mıllıardy – ósimdik sharýashylyǵyna tıesili. Bir mıllıard teńgege 131 tehnıka alynyp, kóktemgi dala jumystarynyń 70-75 paıyzy osy za­manǵy keshendermen atqarylatyn bola­dy. Sońǵy 4 jylda syıymdylyǵy 283 myń tonnalyq 14 elevator iske qosyldy. Taǵy 4 astyq qabyldaý pýnkti salynýda. Keńeste sóz alǵan «Azyq-túlik keli­sim-shart korporasııasy» AQ-tyń bas­qarma tóraǵasy Beıbithan Qab­dyr­ah­manov aýyl sharýashylyǵy salasyn ne­sıeleý talapqa saı júrgizilip jatqa­nyn, bıyl 39 mıllıard teńge bólin­genin, Qyzyljar óńirinen 4 mıllıard teńgege usynys túskenin, bul áli azdyq etetinin jetkizdi. Ol bir tonna astyqtyń satyp alý baǵasy 25 myń teńgege belgilengenin, túpki baǵany rynok anyqtaıtynyn málimdedi. «A.Baraev atyndaǵy astyq sharýashylyǵy ǵylymı-óndiristik orta­ly­ǵy» RMK dırektory Jeksenbaı Qas­qyrbaev, «Qazgıdromet» RMK agrometeorologııa departamentiniń dırektory Sáken Baısholanov, taǵy basqalary jazdaǵy aýa raıyna qatysty málimetter berip, boljamdar bildirdi. Dıqandar aldynda Aýyl sha­rýa­shylyǵy mınıstrliginiń jaýapty hat­shysy E.Aman sóılep, soltústik­qazaq­stan­dyqtardyń egin sebý naýqanyna tyń­ǵylyqty daıyndalǵanyn, endigi mindet kóktemniń ár kúnin tıimdi paıda­lanyp, úlken jaýapkershilikpen atqarýǵa tireletinin jetkizip, sáttilik tiledi. О́mir ESQALI. Soltústik Qazaqstan oblysy.