Aq tilekter aǵyny

Memleket basshysy N.Nazarbaevtyń atyna prezıdenttik saılaýdaǵy jeńisimen quttyqtaǵan jedelhattar men hattar sheteldik qoǵam qaıratkerleri men qazaqstan­dyq­tardan kelip túsýi jalǵasýda. German Býndestagynyń mú­she­si, burynǵy Federaldyq mınıstr Mıhael Glos Elbasyn prezıdenttik saılaýdaǵy je­ńi­si­men quttyqtaıdy. Odan ári hatynda: «Siz Qazaqstandy teń­desi joq ekonomıkalyq ta­bys­qa, al halqyńyzdy beıbitshilikke, joǵary turmys deńgeıine bas­tap ákeldińiz. Sizdiń saı­laý­daǵy nátıjeńiz osynyń aıqyn aıǵaǵy. Siz elińizdiń damýy ba­rysyn maqtan etýge ábden quqylysyz», dep eń izgi tilegin joldaıdy. German Ekonomıkasy Shy­ǵys komıtetiniń burynǵy tór­aǵasy, professor Klaýs Mangold quttyqtaý hatynda: «Asa qadirli Prezıdent myrza! Siz­diń kóregen saıasatyńyz, eko­no­mıkalyq alǵyrlyǵyńyz, ınte­gra­sııaǵa degen umtylysyńyz ben el basqarýdaǵy qajyr-qaı­ratyńyz Qazaqstannyń álem­de­gi iri memleketterdiń ara­syn­daǵy mańyzdy ornyn qamta­ma­syz etýge zor úles qosqanyn sońǵy onjyldyqtar aıqyn dá­leldep berdi», deı kelip, El­ba­sy N.Á.Nazarbaevqa densaýlyq, ba­qyt jáne tolaıym tabys tileıdi. «Jas ǵalymdardy qoldaýǵa arnalǵan Prezıdent grantynyń ıegerimin. Jas otbasylarǵa ar­nalǵan baǵdarlama arqasynda ıpotekalyq páterge ıe boldym. Sizge degen alǵysymyz sheksiz. Sizdiń qurmetińizge tuńǵysh ulym­nyń esimin Nursultan dep qoıǵanmyn. Balam da Sizdiń atyńyzǵa kir keltirmeı, 4 pen 5-ke oqyp jatyr. Ortanshy ulym­­­nyń aty – Ernur. Qazaq­stan Respýb­lıkasyn О́zińiz dú­nıe júzine pash etken EQYU-nyń sammıti kúni kelinshegim Má­dına úshinshi ulym – Ersul­tandy dúnıege ákeldi. Otba­syn­daǵy barlyǵymyz Sizdi jaqsy kóremiz. Osy hatty úsh ulym­nyń atynan joldap otyr­myn», dep jazady Almaty qala­synyń turǵyny Erjan Kóldeev. Batys Qazaqstan oblysy, Saı­qyn aýylynyń turǵyny, Sosıalıstik Eńbek Eri Eskendir Esimov­tiń hatynda Elbasynyń batyl bastama­lary men salıqaly saıa­satynyń ar­qa­synda Qazaqstan hal­qy Táýel­sizdik tuǵyryna kó­terilip, tarıhı az ýaqytta el ja­ńaryp, halyqtyń ál-aýqaty arta túskeni atap ótilgen. Ońtústik Qazaqstan oblysynyń Báı­dibek, Saryaǵash, Maqtaaral aý­dand­a­ryn­daǵy etno­mádenı birlestikter, áıelder keńe­si, eńbek jáne so­ǵys ardagerleri, zeınetkerleri, ob­lys­tyq jáne aý­dan­dyq máslı­hat depýtattary, aýyl­dyq okrýg ákim­deri, mektep jáne joǵary oqý oryn­darynyń ujymdary, eńbek ujym­dary men jeke sharýashy­lyq je­tekshileri aty­nan joldan­ǵan qut­­tyqtaý hat­tarynda táýel­siz eli­mizdiń eko­no­mıkasynyń jyl saıyn artýy, jańa bastama, jańa tabys­tary­men jáne demo­kratııalyq úderisterimen álem na­zaryn aý­daryp otyrǵany, shy­naıy memlekettik kózqarastyń qa­lyp­tasyp, Otanymyzdyń gúl­denýi Elbasy­nyń esimimen tyǵyz baıla­nysty ekeni keńinen baıan­dalǵan. Pavlodar oblysy, Beregovoe aýylynyń turǵyny, zeınetker Jupar Ýspanova, Pavlodar aýda­ny boıynsha shtab múshesi Aleksandr Janǵazın, Semeı qalasy­nyń turǵyny, sazger Arǵynbek Ahmetjanov, OQO Maqtaaral aý­d­anynyń turǵyny, Batyr Ana Sársenkúl Buqarbaeva, Qyzyl­orda oblysy, Aqmaıa aýylynyń tur­ǵyny, Batyr Ana Raýshan Nurym­betqojaeva jáne «Stroıklass» JShS bas dırektory Olga Gosteva joldaǵan hattarda Elbasyna degen halyqtyń ystyq yqylasy, zor qurmeti, Memleket basshysyna degen jurtshylyq súıispenshiligi, son­daı-aq Prezıdent júrgizip otyrǵan áleýmettik-ekonomıkalyq jańarý­larǵa bildirilgen qoldaýlary aıqyn kórinis tapqan.