S tobyndaǵy Marokkoǵa qarsy ótken kezdesý 1:1 esebimen aıaqtaldy. Match tartysty ótip, qaýipti sátterge toly boldy.
Esepti alǵash bolyp marokkolyqtar ashty. 21-mınýtta Ismael Saıbarı qarsylas qaqpasyna qaraı jeke dara shyǵyp, Alıssondy ádemi soqqymen aldap ótip, komandasyn alǵa shyǵardy. Brazılııalyqtar buǵan birinshi taımnyń ózinde jaýap qaıtardy. 32-mınýtta Vınısıýs Jýnıor oıyndy óz qolyna alyp, qaptaldan aıyp alańyna qaraı oıysyp, dál soqqymen tarazy basyn teńestirdi.
Úzilisten keıin eki qurama da jeńis golyn soǵýǵa umtyldy. Alaıda qaqpashylar men qorǵaýshylar senimdi oıyn kórsetip, qarsylastarǵa múmkindik bermedi. Qoryytyndy esep 1:1.
Osylaısha, Brazılııa men Marokko týrnırdi bir upaıdan bastap otyr. Sondaı-aq S tobynda Gaıtı men Shotlandııa quramalary óner kórsetedi.
Ekinshi týrda Brazılııa 20 maýsym kúni Astana ýaqytymen saǵat 05:30-da Gaıtımen kezdesedi. Al Marokko Shotlandııaǵa qarsy oınaıdy. Bul match Astana ýaqytymen saǵat 03:00-de bastalady.
Fýtboldan álem chempıonaty-2026: Oıyndardyń tolyq kestesi men ýaqyty
