Is-sharaǵa qurylys, densaýlyq saqtaý, bilim berý, kólik, telekommýnıkasııa, týrızm, kásipkerlik, energetıka, sıfrlyq tehnologııalar jáne munaı-servıs salasyn usynatyn iri salalyq birlestikterdiń, kásibı qaýymdastyqtardyń jáne sarapshylyq uıymdardyń jetekshileri jınaldy. Olar partııa qataryna ótip, búginde onyń uıymdyq áleýetin nyǵaıtýǵa jáne baǵdarlamalyq maqsattaryn júzege asyrýǵa atsalysyp jatyr. Sonyń ishinde «PARYZ» jumys berýshilerdiń ulttyq konfederasııasy, Qazaqstannyń Azamattyq alıansy, Qazaqstannyń munaı servıstik kompanııalar odaǵy, Qazaqstan ınvestorlary qaýymdastyǵy, Qazaqstan baılanys operatorlary qaýymdastyǵy, Qazaqstan avtomobıl odaǵy jáne basqa da uıymdar bar.
Sezd jumysyna «AMANAT» partııasynyń ókilderi de qatysyp jatyr. Atalǵan partııanyń «Ádilet» partııasyna qosylýy máselesi sezd delegattarynyń qaraýyna shyǵaryldy. Sonymen qatar II Sezdiń kún tártibine partııanyń odan ári damýy, óńirlik fılıaldardy qurý jáne uıymdyq qurylymdy nyǵaıtý máseleleri engizildi.
Sezd qarsańynda strategııalyq sessııa uıymdastyrylyp, delegattar partııanyń aldaǵy kezeńdegi basym baǵyttaryn talqylady.
«Ádilet» partııasy túrli kásibı qaýymdastyqtar men qoǵamdyq birlestikter ókilderiniń bastamasymen quryldy. Partııanyń qalyptasýy 2026 jylǵy 15 naýryzda qabyldanǵan Qazaqstan Respýblıkasynyń jańa Konstıtýsııasynan keıin bastalǵan saıası jańǵyrý kezeńimen tuspa-tus keldi.
«AMANAT» Sezi Prezıdent reformalaryna qoldaý kórsetý jolynda «Ádiletke» qosylýdy maquldady
2026 jylǵy 7 mamyrda Astanada «Ádilet» saıası partııasynyń quryltaı sezi ótip, partııanyń resmı qyzmeti bastaldy. Al 2026 jylǵy 1 maýsymda Qazaqstan Respýblıkasynyń zańnamasyna sáıkes Qazaqstan Respýblıkasy Ádilet mınıstrligi «Ádilet» saıası partııasyn memlekettik tirkeýden ótkizdi.
Partııa eńbek adamdarynyń, munaı-servıs jáne taý-ken metallýrgııasy salasy qyzmetkerleriniń, shahterlerdiń, sport, bilim berý, densaýlyq saqtaý, ǵylym, kásipkerlik, IT-sektor, quqyq salasy jáne kreatıvti ındýstrııa ókilderiniń basyn biriktiredi.
Bolashaq úshin kúsh biriktirý: «AMANAT» sezi «Ádilet» partııasyna qosylýdy qoldady
Partııa platformasynyń negizin ádilettilik, jaýapkershilik, teńdik, otansúıgishtik jáne progress qaǵıdattary quraıdy. Partııa zań ústemdigin nyǵaıtýdy, tıimdi memlekettik jáne qoǵamdyq ınstıtýttardy damytýdy, óńirlerdi qoldaýdy, adamı kapıtaldy jetildirýdi, sıfrlandyrýdy ilgeriletýdi jáne básekege qabiletti ekonomıkany qalyptastyrýdy qoldaıdy.
