Osyǵan oraı depýtattar aldaǵy sársenbide birqatar zań jobalaryn birinshi oqylymda talqylaıdy dep kútilýde.
Olar zııatkerlik menshik salasyndaǵy zańnamany jetildirý máselelerine, sonymen birge, elektr energetıkasy máseleleri boıynsha túzetýlerge qatysty bolmaq.
Sondaı-aq, jalpy otyrysta Májilis áleýmettik qamsyzdandyrý máselelerine arnalǵan mańyzdy zań jobasyn jumysqa qabyldaıdy dep kútilýde.
Osy zań jobasy boıynsha túsindirme jazbada aıtylǵandaı, ústimizdegi jylǵy shildeden bas-
tap jasyna baılanysty jáne eńbek sińirgen jyldary úshin zeınetaqy tólemderiniń mólsheri, memlekettik bazalyq zeınetaqy tólemderiniń mólsherin byltyrǵy jylmen salystyrǵanda 20 paıyzǵa deıin ósirýdi qamtamasyz etý úshin arttyrylady.
Sondaı-aq, 2017 jyly bala týýyna baılanysty járdemaqy kólemin 20 paıyzǵa arttyrýdy qamtamsyz etý boıynsha zańnamaǵa ózgerister men tolyqtyrýlar engizý kózdelýde.
Bıýro otyrysynda sáýir aıynda Almaty qalasynda Halyqaralyq ister, qorǵanys jáne qaýipsizdik komıtetiniń kóshpeli otyrysyn ótkizý týraly másele de qarastyryldy.
