Top basynda taıtalas

Aıaqdop ala­ma­nyn­da jeke-dara kósh bastap, jolyn­daǵy­synyń bárin jaı­pap kele jat­qan «Qaısardyń» bul týrda shal­ǵysy tasqa tıdi. Al­maty­da «Qaırat­pen» kúsh synas­­qan Syr boıy fýtbo­lshy­larynyń teń oıynǵa kónbeske amaly qalmady. Esepti alań ıeleri ashqanymen (Goý, 9-mınýt), matchtyń 35-shi mınýtynda «Qaısardyń» kapıtany Maqsat Baıjanov qarymta gol soqty.

«Qaısardyń» súringeni «Or­­da­­basyǵa» olja boldy. О́z ala­ńynda «Oqjetpespen» oına­ǵan oń­tús­tik­qazaqstandyqtar qo­naq­tar qaqpasyna eki dop salyp, úsh upaıdy oljalady. Bul oıyn­da Alekseı Petrýshın ko­man­­da­synan Tańat Nóserbaev (57-mı­nýt) pen Nıkıta Bocharov (69-mı­nýt) gol soqqan bolatyn. Sóı­tip, tórt týrdan keıin 10 upaı jınaǵan «Ordabasy» dop aıyr­ma­shylyǵynyń arqasyn­da «Qaı­sardy» yǵystyryp, top bastady.  

Ekpin alyp kele jatqan «Er­tis» kútpegen jerden «Aq­tóbe­ge» jol berdi. Syrt alań­da oı­na­ǵa­ny­na qaramastan, Igor Ra­haev shákirtteri senimdi óner kór­setip, qarsylastaryn aıqyn basym­dyqpen jeńdi. «Ertistiń» shabýyl­shysy Ismael Fofana match­tyń 55-mınýtynda soq­qan jal­ǵyz dopqa Jýnıno (64), Shes­takov (73), Zenkovıch (77) úsh gol­men jaýap berdi. Sóıtip, úsh týr­da jeńis dámin tatpaǵan jáne birde bir gol soqpaǵan «Aqtóbe» mańyzdy úsh upaıǵa  ıe boldy.

Bul týrda «Tobyldyń» asy­ǵy alshysynan tústi. О́z alańyn­da «Tarazdy» qabyldaǵan qosta­naı­lyqtar qajetti jeńiske qol jet­kizdi. Oıyn taǵdyryn 50-mı­nýtta Djordje Despotovıch soq­qan jalǵyz gol sheshti. Sóı­tip, «Tobyl» úshinshi orynǵa kóterilip, kósh bastaýshylarǵa birtaban jaqyndaı tústi.

«Shahter» men «Astana» ara­syn­daǵy match Temirtaý qala­syn­da ótti. О́kpek jeldiń ótin­de oı­naǵan fýtbolshylar ja­syl alań ústinde kósilip óner kór­­­sete alma­dy. Alǵashqy gol oıyn­­­nyń 63-mı­nýtynda soǵyl­dy. Qara­ǵan­dy­lyq Mıhaıl Gaby­shev­tiń soqqy­sy nysanaǵa dóp tıgen. Biraq, 88-mı­nýtta Jý­nıor Kabananga esep­ti teńes­tirip ketti. Al qosym­sha ýaqyt­ta Sergeı Skoryh óz qaq­pasyna gol soǵyp alyp, «Astanaǵa» úsh upaıdy qoldan berdi. Sóıtip, osyǵan deıin ala-qula oınap kelgen elorda klýby bıylǵy maýsymda tuńǵysh ret úzdik altylyqtyń qataryna qosyldy.

Kósh sońyndaǵy «Atyraý» Oral­da «Aqjaıyqpen» oınady. Tar­tysty ótken oıynda koman­dalar qos-qostan gol soǵyp, teń tarqasty. Bul esep olardyń týrnır kestesindegi jaǵdaıyna bálendeı áser ete qoıǵan joq. «Atyraý» baıaǵysha eń tómengi orynda.

Kelesi – 5-týrdyń oıyndary 8 sáýir kúni ótedi. Bul kúni «Aty­raý» – «Astana», «Aqtóbe» – «Aq­jaıyq», «Oq­jetpes» – «Ertis», «Taraz» – Ordabasy», «Qaısar» – «To­byl» jáne «Shahter» – «Qaı­rat» koman­da­­lary ózara kúsh synasady.

Qaırat ÁBILDINOV,

«Egemen Qazaqstan»