Reseı men Belarýs arasyndaǵy gaz daýy sheshildi
Vladımır Pýtın Reseı men Belarýstiń munaı-gaz sektoryndaǵy daýly máselede ortaq kelisimge kelgenin aıtty, dep jazady BBC. "Qos taraptyń da múddesi eskerilýi úshin biz munaı-gaz salasynda eki jaqqa da tıimdi baǵany bekittik», - dedi Reseı Prezıdenti Vladımır Pýtın Belarýs basshysy Aleksandr Lýkashenkomen kezdesýden keıin.
«Belarýstiń Reseı aldyndaǵy qaryzyn qaıta qarjylandyrý múmkindigi birer kúnde sheshimin taýyp qalady», - dedi Aleksandr Lýkashenko.
Prezıdentterdiń kezdesýi Sankt-Peterbýrgte ótti. 2016 jyly Reseı men Belarýs arasynda gaz tasymalyna qatysty túsinispeýshilikter týǵan bolatyn. О́tken jyldyń mamyr aıynda Belarýs taraby óz betterimen esepteý júrgizip, Reseıden alyp otyrǵan gazdyń eki ese qymbatqa satylyp otyrǵany týraly málimdegen edi. Nátıjesinde, Belarýs óz esebi boıynsha bekitilgen tarıfpen tólem jasaı bastaǵan. Al óz kezeginde Reseı qalǵan qarajatty qaryz esebinde jazyp qoıǵan bolatyn.
Donald Tramp pen Sı Szınpın alǵash ret kezdesedi
Osy apta AQSh-tyń Florıda shtatynda AQSh Prezıdenti Donald Tramp pen Qytaı Halyq Respýblıkasynyń tóraǵasy Sı Szınpın alǵash ret kezdeskeli otyr, dep habarlaıdy CNN.
AQSh baspasóz quraldary qazirdiń ózinde bul kezdesýdi tarıhı oqıǵa retinde baǵalaýda. Aq úı tabaldyryǵyn attaǵan alǵashqy kúnnen bastap AQSh-Qytaı qatynasyn nasharlatyp alǵandaı bolǵan Tramp keıinirek Sı Szınpınmen telefon arqyly sóılesip, sarapshylar eki el arasyndaǵy saýda-ekonomıkalyq qarym-qatynasy burynǵysha saqtalatynyn aıtqan.
Saıasattanýshylar eki jaqtyń múddeleri bir arnaǵa toǵyspaı qalatyn jerlerin aıtady. AQSh pen Qytaıdyń valıýta saıasatyndaǵy qaıshylyǵy – sonyń dáleli. «Bul turǵyda Tramptyń umtylysyn Mao Szedýnmen salystyrýǵa bolady. Ishki ekonomıkany kúsheıte otyryp, halyqaralyq arenadaǵy pozısııany kúsheıtý – Tramp saıasatynyń basty erekshelikteriniń biri» dep jazady CNN. «Donald Tramp pen Mao Szedýnǵa ortaq taǵy bir sıpat bar. Ekeýiniń de saıasatyn kópshilik tym jyly qabyldamady, alaıda is júzinde lıderlik qabiletine sengendikten halyq olardyń sońynan erdi» dep túıedi basylym.
Túrkııada týrızm qaıta jandana bastady
Aldyn ala zertteýler boıynsha, 2017 jyly Túrkııaǵa 38 mln týrıst kelýi tıis dep habarlaıdy «Anadoly» agenttigi Túrkııa týrıstik agenttikter qaýymdastyǵy (TÜRSAB) prezıdenti Basharan Ulysoıdyń sózine silteme jasap. Onyń aıtýynsha, Túrkııanyń týrızm sektory ótken jylǵy quldyraýdan keıin qaıta bas kóterip, 2017 jylǵy týrıstik maýsymǵa qyzý daıyndalýda.
«Túrkııa týrızm naryǵynyń Reseı jáne Ýkraına segmentterinde oń úrdister baıqalyp otyr. Sonymen qatar Ulybrıtanııa men Taıaý Shyǵys elderinen keletin saıahatshylar sany da arta túspek. Al Eýropanyń keı elderinen týrıster azaıýy yqtımal, biraq bul máseleni de aldaǵy ýaqytta retteıtin bolamyz», - deıdi Ulysoı.
Qaýymdastyq prezıdentiniń pikirinshe, parsy shyǵanaǵynan keletin týrıster negizinen Ystanbulda, Qara teńizdiń shyǵys jaǵalaýynda, Býrsa men Iаlova aımaqtarynda dem alǵandy jón kóredi. Al reseılik týrısterdiń deni Ystanbul, Antalıa, Izmır men Ankarada dem alsa, ızraıldik týrıster kóbine Ystanbul men Antalıaǵa barady eken.
Reseıde jumysshylardyń onnan biri tabysyn tamaǵyna jetkize almaıdy
Rosstat málimetteri boıynsha, kásiporyndar men uıymdarda jaldanyp isteıtinderdiń 75%-y kedeılik deńgeıinde tur dep habarlaıdy «Vedomostı» basylymy. Kedeılik deńgeıi jumysqa qabiletti adamdardyń kúnkóris mınımýmy, ıaǵnı kúneltýge eń qajet ónimder men qyzmetter jıyntyǵynyń quny boıynsha anyqtalady. 2016 jyly ol 10 722 rýblge teń boldy.
Jalaqysy kúnkóris mınımýmy shamasyndaǵy jumysshy kedeılik pen qaıyrshylyq arasynda tur bolyp sanalady. Eki mınımýmǵa teń jalaqy alatyn jumysshy ózin qosqanda otbasydaǵy eki adamdy ǵana asyraı alady. Tabysy budan tómender qaıyrshylar kategorııasyna túsedi. О́ıtkeni, jalaqysy onyń eńbekke jumsaǵan kúshin toltyrýǵa jetpeıdi.
Bul krıterıı boıynsha, jumysshylardyń 10,7%-y qaıyrshylyq deńgeıinde, 27,5%-y – kedeıler, 37%-dyń tabysy kedeılik deńgeıinen joǵary bolsa, tek 12,7%-ynyń tabysy orta taptyń tutyný standartyna sáıkes keledi.
Daıyndaǵan Baýyrjan Muqanov
