Foto: Qorǵanys mınıstrligi
Almaty qalasynda ótken kezekti oqý-jattyǵý jıyndaryna Almaty, Qonaev jáne Jetisý garnızondarynan kelgen 35 áskerı qyzmetshi qatysty. Bir aptalyq kýrs Qorǵanys mınıstrligi Áskerı medısına ortalyǵynyń tájirıbeli nusqaýshylarynyń basshylyǵymen uıymdastyryldy.
Bas redaktorlar klýby men Qorǵanys mınıstrligi yntymaqtastyq memorandýmyn jasady
Taktıkalyq medısınaǵa basymdyq
Oqý baǵdarlamasy taktıkalyq medısına boıynsha teorııalyq jáne praktıkalyq sabaqtardy qamtydy. Qatysýshylar jaralanǵan adamnyń jaǵdaıyn jedel baǵalaý, qan ketýdi toqtatý, postgemorragııalyq shok kezindegi is-qımyl, tynys alý joldarynyń ótkizgishtigin qalpyna keltirý jáne júrek-ókpe reanımasııasynyń negizgi tásilderin meńgerdi.
Praktıkalyq sabaqtar arnaıy jabdyqtalǵan jattyǵý alańdarynda ótti. Áskerı qyzmetshiler medısınalyq quraldardy paıdalana otyryp, ózine jáne ózgege kómek kórsetý daǵdylaryn pysyqtady. Oqý qorytyndysynda barlyq qatysýshy emtıhan tapsyryp, tıisti sertıfıkattarǵa ıe boldy.
Elimizdiń qorǵanys salasynda qandaı sıfrlyq sheshimder engizilgen?
Alǵashqy mınýttardyń mańyzy
Desanttyq-shabýyldaý áskerleri qolbasshysy basqarmasynyń medısına qyzmetiniń bastyǵy, medısına qyzmetiniń podpolkovnıgi Ilzat Mýsaev paramedıkterdiń rólin erekshe atap ótti.
«Jaraqat alǵan kezde bolatyn ólim-jitimniń basym bóligi alǵashqy on mınýtta bolady. Sondyqtan áskerı qyzmetshiniń janynda daıyndalǵan paramedıktiń bolýy sheshýshi mánge ıe», dedi ol.
Áskerı paramedıkterdi daıarlaý Desanttyq-shabýyldaý áskerleriniń medısınalyq qamtamasyz etý júıesindegi negizgi baǵyttardyń biri. Bul jumys jeke quramnyń ómiri men densaýlyǵyn saqtaýǵa tikeleı baǵyttalǵan. Aıta keteıik, 2023 jyldan beri atalǵan ásker túrinde 300-den astam paramedık daıarlanǵan.
