Kamchybek Tashıev 2020 jylǵy 16 qazanda Qyrǵyzstannyń UQMK tóraǵasy bolyp taǵaıyndalǵan edi.
Kamchybek Tashıev pen qazirgi prezıdent Sadyr Japarovtyń kópjyldyq qarym-qatynasy eldegi eń yqpaldy ári berik saıası odaqtardyń biri retinde baǵalanyp keldi. Bul yntymaqtastyq olar bılikke kelgenge deıin, atap aıtqanda 2010 jyldardyń basynda bastalǵan. 2012 jylǵy saıası oqıǵalarǵa baılanysty qylmystyq qýdalaýdy birge ótkerýi olardyń jeke ári saıası senimin nyǵaıtqan negizgi faktor retinde qarastyrylady.
Qyrǵyzstanda 17 jastaǵy qyzdy óltirgen kúdikti tergeý ızolıatorynda kóz jumdy
Sarapshylar qaýymdastyǵy bul dýetti uzaq ýaqyt boıy eldegi eń myzǵymas saıası jup dep atap keldi. Sondyqtan Tashıevke qatysty kez kelgen kadrlyq ózgeris bılik júıesindegi eleýli transformasııanyń belgisi retinde qabyldanatyn.
Sońǵy aılarda saıası ortada UQMK basshysynyń aldaǵy prezıdent saılaýyna qatysýy múmkin degen qaýesetter taraǵan bolatyn. Alaıda Kamchybek Tashıev bul aqparatty birneshe ret joqqa shyǵaryp, prezıdenttik saılaýǵa túspeıtinin jáne Sadyr Japarovty qoldaıtynyn málimdegen.
О́z kezeginde Qyrǵyzstan prezıdenti Sadyr Japarov Tashıevti qyzmetinen bosatý sheshimine túsinikteme berdi. Prezıdenttiń baspasóz qyzmetiniń habarlaýynsha, bul qadamnyń negizgi maqsaty – memlekettiń birligin nyǵaıtý jáne qoǵamdaǵy, sonyń ishinde memlekettik qurylymdar arasyndaǵy alaýyzdyqtyń aldyn alý ekenin atap ótken. Prezıdenttiń aıtýynsha, bul sheshim memleket múddesin kózdep, elde turaqty ári úılesimdi saıası ahýal qalyptastyrýǵa baǵyttalǵan.
Kamchybek Tashıevti qyzmetinen bosatý týraly jarlyq Konstıtýsııaǵa sáıkes qabyldanǵan. Arnaıy qyzmet basshysynyń otstavkasy ulttyq qaýipsizdik júıesindegi kadrlyq ózgerister aıasynda júzege asty.
Qazirgi ýaqytta UQMK tóraǵasynyń mindetin ýaqytsha Jumǵalbek Shabdanbekov atqaryp otyr.
Qyrǵyzstan mıgranttardyń quqyǵyn buzǵany úshin Reseıdi sotqa berdi
